اسلام آباد 02 ستمبر (اے پي پي) د موسمياتو محكمې وئيلي دي چې د راتلونكو 24 ساعتونو په مهال به د هېواد په زياتره سيمو كښې موسم ګرم او مرطوب وي خو د ماښام/ شپې په وخت په مالاكنډ٬ هزاره٬ پېښور٬ مردان٬ كوهاټ٬ بنو٬ ډي آئي خان٬ پېنډې٬ لاهور٬ ګوجرانواله٬ سرګودها او ژوب ډويژنو٬ اسلام آباد٬ كشمير او ګلګت بلتستان كښې په ځينې سيمو د باران ورېدو امكان دے۔ د موسمياتو محكمې لخوا جاري شوي راپور له مخې د تېرو 24 ساعتونو په مهال د هېواد په زياتره سيمو كښې موسم ګرم او مرطوب و خو په مالاكنډ٬ هزاره٬ پېښور٬ كوهاټ٬ پېنډې او قلات ډويژنو٬ اسلام آباد او كشمير كښې په ځينې سيمو باران شوے۔ تر ټولو زيات باران د خېبر پښتونخوا په اېبټ آباد سيمه كښې 26 ملي ميټره ريكارډ كړے شوے۔ په هېواد كښې د تودوخې تر ټولو لوړه درجه په سبي كښې 44 ډګري سېنټي ګرېډ ريكارډ كړې شوې۔
