اسلام آباد 27 جولائی (اے پي پي) د تحريك انصاف مشر عمران خان كورودانې بشريٰ بي بي ټول قوم ته سلام او په ټولټاكنو كښې په بريا مباركي وركولو سره وئيلي دي چې تاسو داسې قائد منتخب كړے كوم چې د عام وګړي خېر ښېګړې لپاره كار كولو ته تيار دے۔ تېره ورځ د نجي ټي وي چېنلو د لارې د اولس په نامه په جاري كړي پېغام كښې هغې په ټولټاكنو كښې د پي ټي آئي په بريا د خوشحالې څرګندونه كولو سره ووئيل چې الله تعالٰي تاسو ته هغه ليډر دركړے كوم به چې ستاسو د حقونو خيال ساتي۔ مظلوم مېرمنو٬ كونډو٬ يتيمانو او بې وسه خلقو ته مباركي وركولو سره هغې ووئيل چې د پاكستان تحريك انصاف مشر عمران خان د قوم هغه ليډر دے كوم به چې د خپل قوم خيال هم ساتي او حفاظت به ئې هم كوي۔
