اسلام آباد۔24جنوری(اے پی پی) صدر ډاکټر عارف علوي د 2 کروړه 62 لکه ماشومانو سكول كښې نه داخلېدو په اوسني رپورټ اندېښنه ښكاره كولو سره وئيلي دي د دې ماشومانو سكولونو ته راوستلو له تعليمي اېمرجنسي لګولو سره به په بېړني بنيادونو ګامونه پورته كول وي ٬ په تعليمي ادارو كښې ډبل شفټ ٬ اېكسلرېټډ لرنګ پروګرام او جوماتونه د كوچنو هلكانو او انجونو د تعليم مركزونه جوړولو ته اړتيا ده۔ په جوماتونو كښې زده كړې ښودلو له دې د نوي ګرېجوېټس او انټرمېډيټ هلكانو او انجونو خذمات ترلاسه كړے شي٬ د لوړو زده كړو شرح زياتولو له دې آن لائن زده كړو ته وده وركړې شي ٬ ډاكټرانو ٬ انجينئرانو او په نورو څانګو كښې پېشه وره تربيه ترلاسه كوؤنكو ته دې د پاكستان دننه داسې آسانۍ وركړې شي چې هغوي بهر هېوادونو ته لاړ نه شي۔ ده د شورؤ په ورځ د زده كړو او پېشه وره تربيې وزارت تر اهتمام لاندې د زده كړو نړيوالې ورځ په مناسبت سره په نېشنل لائبریری اسلام آباد كښې دستورې ته خطاب كولو۔ د زده كړو وفاقي سېكرټري وسیم اجمل چوهدري ، خاص سېكرتري محی الدین واني ، د پاکستان انسټيټوټ آف اېجوکېشن ډي جي ډاکټر محمد شاهد سرویه ٬ د اسلام آباد چېمبر آف کامرس اېنډ انډسټری صدر احسن بختاروري ٬ د تعليم وزارت چارواكو ٬ د يو اېس اېډ ٬ يونيسف ٬ يونېسكو ٬ جائيكا او د زده كړو په څانګه كښې كار كوؤنكو د پرمختيائي څانګې استازو ګډون كولو۔صدر مملكت ډاكټر عارف علوي ووئيل د پاكستان انسټویټ آف اېجوکېشن شماریاتی رپورټ 22 ۔ 2021 كښې د 2 کروړه 62 لکه ماشومانو سكولو څه بهر پاتې كېدل ښودلې شوي۔ دومره لويه شمېره مونږ لپاره يو لوئې چېلنج دے۔ د مېټرك په كچه 44 فیصده ماشومان سكولونو ته نه ځي٬ زمونږ د سيمې په نورو هېوادونو كښې په سكولونو كښې د ماشومانو د داخلې شرح 98 څخه 100 فیصده ده۔ ده ووئيل 2 کروړه 62 لكه ماشومان سكولونو ته راوستلو لپاره نورو 50 زره سکولونو ته اړتيا ده۔ زمونږ د صوبائي حكومتونو تعليمي بجټ 25 نه تر 28 فیصده دے۔ بياهم دومره زياته شمېره كښې سكولونه جوړولو له به وسائلو ته اړتيا وي خو په دې چېلنج قابو موندلو له به مونږ له نوې تګلارې خپلول وي۔ ده ووئيل پاكستان كښې د لكھونو په شمېر جوماتونه دي كوم چې د اوبو او برېښنا بنيادي آسانۍ لري ٬ په دې كښې په بېلو بېلو وختونو كښې هلكان او انجونو ته درس وركړے كېدے شي۔ ده ووئيل انټرميډيټ څخه وروستو په اعلی تعليمي ادارو كښې د داخلې اغستو شرح 10 څخه تر 12 فیصد ده كومه چې په ګاونډي هېوادونو كښې 24 فيصد ده ٬ مونږ له به دې پلو هم پام ګرځول وي۔ ده ووئيل ورچوئل پوهنتون د آن لائن زده كړو د لارې 30 څخه تر 65 زره داخلې زياتې كړي ٬ مونږ دغه سكولونو څخه بهر كوچنيان د زده كړو په كالو سنګارولو له كارولے شوو۔ ده ووئيل د ننۍ دستورې نعره د تعليم د لارې امن راوستل دي خو زه دا وايم چې د زده كړو سره سره تربيت او اخلاق پلو هم بايد پام وګرځولے شي ولې چې په نړۍ كښې لوستي خلق هم ظلم كوي۔ ده ووئيل د زده كړو وزارت لخوا په ډسلیکسیا رنځ كښې اخته ماشومانو ته د زده كړو آسانۍ وركولو له ګامونه پورته كولې شي كوم چې د ستائنې وړ دي۔ صدر ډاكټر عارف علوي ووئيل په هېواد كښې د روزګار نه كافي موقعو نشتوالي د لاسه زمونږ لوستي ځوانان بهر هېوادونو ته ځي٬ دوئي لپاره به د هېواد دننه موقعې او آسانۍ رامخې ته كول وي۔ ده ووئيل مونږ د مشورو كوم كمې نه لرؤ خو مونږ له به د ماشومانو سكولونو ته راوستلو له عملي ګامونه پورته كول وي
