اسلام آباد 13 جولائي (اے پي پي)خارجه وزير شاه محمود قرېشي وئېلي دي روسيه٬چين او مينځنۍ آسيا هېوادونه د منطقې مهم هېوادونه دي٬د افغانستان په اړه به دې مهمو هېوادونو سره د مشاورت نه بس شريكه لائحه جوړوو۔د نهې په ورځ تاجكستان كښې د شنګهائي مرستې تنظيم اېس سي او خارجه وزيرانو كونسل غونډه او د افغانستان بدلېدونكي صورتحال په اړه يو بيان كښې خارجه وزير ووئيل دا مهال د شنګهائي مرستې تنظيم خارجه وزيرانو كونسل غونډه كښې ګډون لپاره په تاجكستان كښې موجود يم۔د تاجكستان خارجه وزير سره زما د افغانستان په صورتحا خبرې شوي٬نن(د نهې په ورځ)زما د ازبكستان٬قزاخستان٬افغانستان ٬ روسيې او چين خارجه وزيرانو سره هم ملاقات متوقع دے۔خارجه وزير ووئيل دا ټول د نړۍ مهم هېوادونه دي او د افغانستان په صورتحال نظر هم لري ٬مونږ غواړو چې دې مهمو هېوادونو سره د مشاورت نه پس شريكه لائحه خپله كړو۔خارجه وزير ووئيل پاكستان خپله ذمه واري په ښه ډول ترسره كوي٬لوي څختن دې نه كړي خو كه د افغانستان صورتحال خرابېږي نو ټول به وځپلے شي٬دا د مشاورتي عمل وړاندې بوتللو غوره موقع ده۔ده ووئيل پاكستان يوازنے هېواد دے چې د څو لسيزو نه د 30 لكه افغان كډوالو خذمت كوي٬اوس كه چرې حالات خرابېږي نو مونږ نور افغان كډوال نشو ساتلے ٬ده ووئيل د افغان كډوالو په جامه كښې داسې عناصر هم داخلېدې شي كوم چې مونږ ته زيان رسولے شي۔خارجه وزير ووئيل د كډوالو په جامه كښې د پاكستان دښمن داخلېدې شي٬مونږ د انساني يووالي له مخې د دوي مرسته كول غواړو خو مونږ له د خپلو بې ګناه خلقو تحفظ هم باوري كول دي۔خارجه وزير ووئيل پاكستان غواړي چې په افغانستان د دائمې امن او استحكام وي٬مونږ به تر څو په نخښه كېږو٬زه دوي ته دا وائيم چې د ماضۍ غلطۍ بيا مه كوۍ او په ګډه دا مسئله حل كړې ۔خارجه وزير ووئيل په افغانستان مهمو شخصياتو ته د خبرو اترو كولو بلنه وركوو٬افغان مشران دې كېښني او دې وائي چې مونږ د دوي څنګه مرسته كولې شوو ۔خارجه وزير ووئيل هند په افغانستان كښې د سپائلر كردار ترسره كړے او د منطقې په امن كښې خلل اچوي٬نړيوالې ورورولۍ له پكار دي چې هغوي هند د منفي رويې څخه منع كړي او هند افغانستان امن ته پرېږدي
