پېنډۍ 08 اګست (اے پي پي) وزيراعظم شهباز شريف د نهې په ورځ د جي اېچ کيو الوداعي دوره وكړه۔ د آئي اېس پي آر له مخې جي اېچ كيو ته په رارسېدو د پوځ سرلښكر د وزيراعظم هركلے وكړو۔ وزيراعظم پرنسپل سټاف آفيسرز سره ملاقات وكړو۔ وزيراعظم ته په دې موقع ګارډ آف آنر وړاندې كړې شو٬ په دې موقع وزيراعظم د شهيدانو په يادګار د ګلونو څادر خپور كړو٬ وزيراعظم په آرمي آډيټوريم كښې شهدانو او غازيانو ته د پېرزوينې وړاندې كولو په دستوره كښې خاص مېلمه هم ٶ۔ وزيراعظم شهدانو، غازيانو او د دوي كورنيو ته د مورني هېواد دفاع لپاره په بلها قربانيو او خدماتو پېرزوئنې وړاندې كړې۔ وزيراعظم د هېواد د سيمه ايز سالميت تحفظ او پاكستان كښې د ترهګرۍ لعنت خاتمې لپاره د وسله والو ځواكونو د كردار ستائنه وكړه۔ ده ووئيل شهيدان او غازيان زمونږ وياړ دي او د دوي عزت او تكريم په هر پاكستاني لازم دے٬ مونږ له دا هېڅ كله هېرول پكار نه دي چې نن مونږ د دې خاورې د مېړنو زامنو د ځانګړې قربانيو په سبب آزادۍ سره وخت تېرؤ ٬ زه پاكستان لپاره د خپلو فرزاندانو په قربانيو وركولو د دوي كورنيو ته سلام وړاندې كوم۔ ده ووئيل اوس دا زمونږ فريضه ده چې مونږ د هر پاكستاني خوشحالۍ او ښېګړې لپاره د خپلو شهيدانو او غازيانو د عظيم قربانيو قدر وكړؤ۔ ده ووئيل كومو كسانو چې د شهيدانو د يادګارونو بې حرمتي كړې د دوي مخونه به د دې هېواد په تاريخ كښې تور وي۔ په دې موقع وزيراعظم د شهدانو 70 كورنيو او د ژوبل شويو 30 كورنو له د مرستې چېكونه وركړل او د شهيدانو كوچنيانو ته ئې تعليمي هلو ځلو لپاره لېپ ټاپ هم وركړل
