اسلام آباد01 اګست (اے پي پي) وزيراعظم محمد شهباز شريف وئيلي دي چې جنګ د يوې مسئلې حل نه دې٬ د شخړو په سوله ايز حل باور لرو٬ د خبرو اترو د لارې مخ په وړاندې تللې شو، د ريكوډك منصوبې لوئ اهميت لري، پاکستان د 6 ټرېلين ډالرو معدني پانګې لري، په 75 كالو كښې مونږ خپل قېمتي دولت ته پام نه دې شوي٬ كرپشن هم د دې څانګې په پرمختګ كښې لوے خنډ جوړ دې، په ماضي كښې نېب كاروباريان هراسا كړي خو د كرپټ كسانو كرپشن ئې نظرانداز كړې، اېس آئي اېف سي د پاکستان د پرمختګ بهترين ماډل دے٬ خپل وسائل به د اولس په خېرښګړه خرڅ كول وي٬ مونږ له د پرمختګ په زغل كښې د وړاندې نه وړاندې كېدل دي۔ د دې خيالاتو څرګندونه ده د نهې په ورځ د پاكستان منرل سمټ (ډسټ ټو ډويلپمنټ) پرانستې غونډې ته خپلې وېنا كښې وكړه۔ وزيراعظم ووئيل زمونږ دپاره نن يوه اهمه ورځ ده، دلته د ژوند بېلا بېلو څانګو سره تعلق لرونكي سرمايه كار او نور كسان موجود دي٬ ريکوډك د هېواد په تاريخ كښې د اهميت وړ منصوبه ده٬ په تېرو 75 كالو كښې مونږ خپل دې قېمتي دولت ته پام نه دې كړې٬ آيا مونږ د كوم كارټل يا د سياسي وجوهاتو په سبب تذبذب سره مخ پاتې يو۔ وزيراعظم ووئيل پاکستان د 6 ټريليون ډالرو پانګې لري او تر اوسه وګورۍ مونږ هم هلته ولاړ يو٬ پاکستان سټيل ملز د 70 په لسيزه كښې د روسيه په اشتراك سره جوړ كړې شو او د ھغې ټول خام مال درامد كېدو٬ په كالاباغ كښې د اوسپنې پانګو ته رسنه ترلاسه شوې خو ھغه هېر كړې شول٬ ھغه د ټېكنالوجۍ په اوسني دور د سټيل مل خام مال لپاره استعمالېدې شي۔ ده ووئيل په ريكوډك كښې په پاكستان د لس اربه ډالرو جرمانه لګولې شوې٬ كه مونږ جرمانه ادا كړو نو زمونږ د زرمبادلې ټولې پانګې به په دې خرڅ شوې وې٬ په تھر كښې د نړۍ د سكرو لويه ذخيره موجود ده٬ نن مونږ د تهر د سكرو څخه پېل كړې شوې منصوبو څخه ګټه پورته كوٶ٬ د بېلا بېل کارټل، سياسي او نورو وجوهاتو په سبب مونږ په ماض كښې دې وسائلو څخه استفاده ونه كړې شوه٬ په چېنوټ كښې د اوسپنې پراخه پانګې دي٬ د بده مرغه د بدعنوانۍ او د بدعنوانۍ د كاروائيو په سبب مونږ دې پانګو څخه ګټه پورته نه كړې شوه٬ د معدنياتو ټهېكه د بولۍ نه غېر ھغه چا ته وركړې شوې ده څوك چې په دې څانګه كښې تجربه هم نه لرله٬ د ماضي غلطو څخه زده كولو سره مونږ له مخ په وړاندې تلل دي٬ د پاکستان د بې وځله اولس وسائلو د لوټ كولو اجازه نشي وركولې كېدې٬ دا معامله سپريم کورټ ته هم رسېدلے٬ دا مهال نېب د هېواد دولت لوټ كوٶنكو په ضد هېڅ كاروائي نه ده كړې٬ وزيراعظم ووئيل د خپل ځان نه سېوا څوك تورن نشو ګرجولے٬ مونږ وسائل٬ وخت او توان ضائع كړې٬ كرپشن هم د دې څانګې پرمختګ كښې لوے خنډ دے٬ نېب خلق د سياسي انتقام د لارې په نښه كوي او د كرپټ كسانو كرپشن نظر انداز كوي۔ ده ووئيل اوس د عمل وخت دے ٬ كه مونږ نن پرېكړه وكړو او په پريذينټيشن كښې چې څه ښودلې شوې په ھغې به عمل كوٶ نو محنت او سختو هڅو سره خپل هدفونه ترلاسه كولې شو۔ ده ووئيل د سعودي عرب نائب وزير د پاکستان او سعودي عرب د دورولۍ او دوستۍ ذكر كړے دے٬ د ھغوي د جذباتو قدر كوٶ٬ دواړو هېوادونو په هره سخت كښې د يو بل ملګرتيا كړې ده او په هر فورم ئې د يو بل د موقف ملاتړ كړې او د دې تازه مثال د آئي اېم اېف سره په لوظنامه كښې د سعودي چارواكو مرسته ده٬ سعودي عرب د پاکستان بقاء لپاره دوه اربه ډالره وركړې٬ په دې ستونز مند وخت كښې په ښه مرسته زما لخوا د سعودي ولي عهد شهزاده محمد بن سلمان لپاره د نېكو هيلو او مننې جذبات ورسوئ۔ وزيراعظم ووئيل زمونږ د حكومت موده د اګست په نيمائي كښې ختمېږي٬ چين سره د سي پېك په دوېم پړاٶ كښې داخلېږو٬ امريكې سره زمونږ د شريك باور او په احترام اډانه اړيكې دي دغسې نورو هېوادونو سره ښې اړيكې لرو٬ مونږ د خپلو ګاٶنډيانو پشمول د چا په ضد نه يو٬ دوي سره خبرو اترو لپاره چمتو يو خو شرط دا دې چې ھغوي هم سنجيده وي٬ جنګ د يوې مسئلې حل نه لري٬ د شخړو په سوله ايز ډول په حل باور لرو٬ د خبرو اترو د لارې مخ په وړاندې تګ كېدې شي٬ پاكستان اتومي طاقت دے٬ غربت، بيروزګاري، صحت، تعليم او د اولس خېرښګړې لپاره كار كولو ته اړتيا ده٬ زمونږ ګاٶنډيانو له هم په دې پوهه پكار ده چې د خبرو اترو د لارې مخ په وړاندې تګ كېدې شي٬ مونږ له خپل وسائل د اولس پرمختګ له خرڅ كول دي٬ پاکستان له لوي څښتن لوے نعمتونه وركړې دي٬ 75 كاله د پاكستان بې وځله اولس سره زياتې شوې٬ ده ووئيل په اګست كښې به زمونږ د حكومت موده ترسره شي او لنډمهاله حكومت به ذمه وارۍ سنبهالې كړي او د ټاكنو نه پس به نوې حكومت جوړېږي۔ ده ووئيل نن ټولنه د تقسيم سره مخ ده او معاشره زهرجنه شوې ده٬ تر څو چې مونږ يوالې٬ اتفاق او د اتحاد څرګندونه نه كوٶ مونږ به پخپلو هڅو كښې كاميابې نشو٬ اتحاد ، اتفاق او مسلسل محنت سره خپل هدفونه ترلاسه كولې شو٬ اېس آئي اېف سي كښې د وفاقي، صوبائي حكومتونه او ادارې شامل دي دغسې چې دا عظيم منصوبې عملي كړې شي٬ سعودي عرب، قطر او نور خليجي هېوادونو چې څنګه پرمختګ كړې مونږ داسې ولې نشو كولې٬ مونږ له د پرمختګ په زغل كښې د نورو نه وړاندې كېدل دي۔
