اسلام آباد 24 نومبر (اے پي پي) د ترکيه صدر رجب طيب اردوان په بلنه به وزيراعظم محمد شهباز شريف د 25م نه تر 26م نومبر د تركيه دوه ورځنۍ سركاري دوره كوي۔ وزيراعظم محمد شهباز شريف او صدر اردوان به په استنبول شپ يارډ كښې پاك بحريه لپاره په څلور ملجم (MILGEM) کاروېټ بېړيو كښې د درېم پي اېن سي اېس خېبر د شاملولو پرانسته كوي۔ د زيارت په ورځ د وزيراعظم آفس ميډيا ونګ لخوا د جاري بيان له مخې دواړه مشران به په دوه اړخيزه اړيكو٬ سيمه ايز صورتحال او د شريكې خوښې په بېلا بېلو چارو هم د خيالاتو څرګندونه كوي۔ وزيراعظم به د ترکيه کاروباري ورورولۍ مشرانو سره هم ملاقات كوي۔ د اي سي او ټرېډ اېنډ ډوېلپمنټ بېنك (اي ټي ډي بي) صدر به وزيراعظم سره په استنبول كښې ملاقات كوي۔ د پاکستان او ترکيه ترمېنځه د ورورولۍ نزدې اړيكې په كلتور او د تاريخ په مشتركاتو اډاڼه دي او په غېر معمولي همغږۍ او په شريك اعتماد قائم دي۔ د دواړو هېوادونو ترمېنځه په مشتركه مرسته MILGEM منصوبه د پاکستان-ترکيه ستراتېژك پارټنرشپ كښې د يو مهم سنګ مېل حېثيت لري٬ پاك بحريه لپاره د وړومبني کاروېټ پي اين اېس بابر لانچنګ دستوره په اګست كال 2021 كښې په استنبول كښې شوې وه او د دوېمې بېړۍ پي اېن اېس بدر د كار پېل مئي كال 2022 كښې په كراچۍ كښې شوے ؤ ۔ د يادونې وړ ده وزيراعظم د دې نه وړاندې په مئي جون كال 2022 كښې د تركيه دوره كړې وه
