جدہ 30 مئي (اے پي پي)خارجه وزیر شاہ محمود قرېشي وئيلي دي چې د حج كوټه تر دوه لكه په زياتولو د سعودي د ولي عهد شهزادہ محمد بن سلمان او د سعودي واكمنو مننه وكړه۔ دا خبره د زيارت په ورځ جده كښې د حج ډائرېكټر جنرل د ساجد یوسفاني لخوا د حج انتظاماتو پحقله د بريفنګ په مهال كړې۔ د دې نه وړاندې ساجد يوسفاني خارجه وزیر مخدوم شاہ محمود قرېشي ته د حج انتظاماتو پحقله بريفنګ وركړو۔ ډي جي حج وفاقي وزير خبر كړو چې سږ كال د وزیراعظم عمران خان په امر د حاجياتو اسانيو لپاره خاص انتظامات كوٶ۔ خارجه وزير شاہ محمود قرېشي ووئيل د حاجياتو جده ته راتګ او پاكستان ته تر بېرته ستنېدو دې د دوي د آسانيو او آرام خاص خيال وساتلې شي۔ ده ووئيل د حج كوټه تر دوه لكه په زياتولو د سعودي د ولي عهد شهزادہ محمد بن سلمان او د سعودي واكمنو مننه كوٶ۔ خارجه وزير ډي جي حج ته امر وكړو په حاجيانو كښې د شامل سپين ګيرو دې خاص خيال وساتلې شي دغسې چې دوي ته د حج په مناسك ترسره كولو كښې هېڅ قسمه تكليف نه وي۔ خارجه وزير سږ كال حاجيانو لپاره د استوګنې او په نورو انتظاماتو د اطمينان څرګندونه وكړه
