اسلام آباد 14 فروري (اے پي پي) وزيراعظم عمران خان وئيلي دي چين د پاكستان نزدې دوست او يو قوي شراكتدار ګڼو٬ د سي پېك پروژې په نتيجه كښې د دواړو هېوادونو اړيكې لا پراخه شوې دي٬ د كركيلې څانګې لپاره د چين لخوا د ټېكنالوجې منتقلې او په استعداد كښې د اضافې ترجيحات د لارې به د هېواد په لرې سيمو كښې د غربت خاتمې له مرسته تر لاسه شي۔ ده دا خبرې د زيارت په ورځ په پاكستان كښې د چين سفير ياؤ جنګ سره په ملاقات كښې وكړې۔ په دې موقع وزيراعظم سره په خبرو كښې د چين سفير ووئيل پاكستان او چين يو بل سره نزدې اړيكې لري٬ پاكستان سره د اړيكو په لا قوي كولو باور لرو۔ ده وزيراعظم د سي پېك پروژې په اړه د شوي پرمختګ نه خبر كړو۔ د چين سفير ووئيل د سي پېك پروژې په راتلونكي پړاؤ كښې به پاكستان كښې زياتې سرمايه كارې او د پاكستان څخه زياتې خريدارې ته پام كولې شي۔ وزيراعظم عمران د چين سفير سره په خبرو كښې ووئيل چين او پاكستان نزدې ملګري او قوي شراكتدار دي۔ ده د چينائي اولس مشر شي جن پنګ د سماجي او اقتصادي پرمختګ په اړه د وژن ستائنه كولو سره ووئيل د پاكستاني اولس سماجي پرمختګ لپاره د چين د تجربو څخه استفاده كولو سره ډېره زده كړه كېدې شي۔ وزيراعظم د دې خبرې په خاص توګه ذكر وكړو چې د پاكستان او چين ترمېنځه د سي پېك په نتيجه كښې اړيكې لا پراخې شوې ۔ وزيراعظم عمران خان د دې عزم څرګندونه وكړه چې پاكستان به د سې پېك پروژه په وخت ترسره كول باوري كوي۔ ده د سي پېك له مخې په پروژو په پرمختګ د اطمينان څرګندونه وكړه او په دې خبره ئې زور راوړو چې د كركيلې په څانګه كښې دې په ترجيحي بنيادونو د ټېكنالوجې منتقلي او د استعداد اضافه باوري كړې شي۔ وزيراعظم سره د ملاقات كولو نه پس د چين سفير ياؤ جنګ په خپلو خاص خبرو كښې ووئيل وزيراعظم عمران خان سره ډېر ګټور ملاقات شوې۔ د چين مشرتابه٬ تجاران او اولس د وزيراعظم عمران خان د وژن ستائنه كوي۔ ده ووئيل د وزيراعظم عمران خان ترجيحات متاثر كوونكي دي۔ ده ووئيل په پاكستان ته سرمايه كار راوستلو لپاره غوره اقدامات كولې شي۔ ده ووئيل د پاكستان د قوي شراكتدار په حېث به چين مرسته روانه ساتي۔ ده باور څرګند كړو چې د عمران خان په مشرې كښې پاكستان د پرمختګ منزل ته ورسيږي
