اسلام آباد 01 ستمبر (اے پي پي) د پاكستان پيپلز ګوند د اولس مشرې كانديد چوهدري اعتراز احسن وئيلي دي چې د جعميت علما اسلام ﴿ف﴾ مشر مولانا فضل الرحمان د اولس مشرې د ټاكنو د زغل څخه لاس په سر كېدو لپاره د خبرو عمل روان دے۔ د بلوچستان نېشنل ګوند ﴿مېنګل﴾ مشر سردار اختر مېنګل سره د ملاقات كولو نه پس خبريالانو سره په خبرو كښې اعتراز احسن ووئيل چې پاكستان پيپلز ګوند غواړي چې مولانا فضل الرحمان خپل د نامزدګې كاغذونه د پيپلز ګوند كانديد په حق كښې بېرته واخلي او د جمعيت علما اسلام ﴿ف﴾ مشر غواړي چې د پيپلز ګوند كانديد د مولانا فضل الرحمان په حق كښې لاس په سر شي۔ ده ووئيل چې مولانا فضل الرحمان سره خبرې روانې دي او هيله ده چې د اولس مشرې د ټاكنو نه وړاندې به ښه نتيجه راوځي۔
