اسلام آباد 17 اپریل (اے پي پي) د قومي اقتصادي كونسل انتظامي كمېټې ﴿اېكنك﴾ د 4 كهربه 74 اربه روپې په لګښت د ديامر بهاشا بند پروژې او د كم او زيات 18 اربه 35 كروړه روپو په لګښت د رېلوے د لوهرا- ملتان- خانيوال-شاهدره باغ د ريلوے سګنلز د بدلولو منظوري وركړې۔ د قومي اقتصادي كونسل د انتظامي كمېټې ﴿اېكنك﴾ غونډه د نهې په ورځ د وزيراعظم شاهد خاقان په مشرې كښې د وزيراعظم په دفتر كښې وشوه په كومه كښې چې د 474000 مليونه روپو په لګښت د ديامر بهاشا بند پروژې﴿يوازې د بند جز﴾ منظوري وركړې شوه۔ د بند د ذخيرې ګنجائش به 6.4 ملين اېكړه فټه وي او دا به د 4500 مېګاواټه د برېښنا استعداد ولري۔ د ترسره كېدو نه پس دې پروژې سره د پاكستان د اوبو د قومي ذخيزې ګنجائش د 38 نه زياتېدو سره 45 ورځې شي او ورسره به د تربېلا بند پشمول د ډاؤن سټريم ذخيرې موده هم زياته شي۔ اېكنك د 2998.10 مليونه روپو په لګښت د ګوادر- لسبېله د روزګار معاونت په پروژه د نظرثانې منظوري هم وركړه۔ د دې پروژې مقصد د بلوچستان په دوه ضلعو ګوادر او لسبېله كښې غربت كمول دي۔ دا د كميونټي ډويلپمنټ٬ ماهيانو د كاروبار٬ د كلي د بنيادي ډهانچې د بهترې پشمول د يو شمېر مهمو اقداماتو پروژه ده۔ په غونډه كښې د 4231.83 مليونه روپو د مجموعي لګښت تريمو جهنګ سره نزدې د 1320 مېګاواټه د آر اېل اېن جي پاور پلانټ څخه د برېښنا د ترسيل هم منظوري وركړې شوه۔ د 4711.981 مليونه روپو په لګښت سره د انصاف ته د رسنې پروګرام له مخې د وفاقي پروګرام د نظرثانې منظوري هم وركړې شوه۔ اېكنك د 18346.60 مليونه روپو په لګښت د پاكستان رېلوېز د لوهرا- ملتان- خانيوال-شاهدره باغ د ريلوے سګنلز د بدلولو منظوري هم وركړه۔
