اسلام آباد۔25 مارچ(اے پی پی) د قومي اسمبلۍ سپيكر سردار اياز صادق او دوهم سپيكر سيد غلام مصطفی شاه د هولي اختر په موقعه هندو پارليماني غړو او هندو ورورولۍ ته مباركي وركولو سره وئيلي دي چې هولي د رنګونو ٬ رڼاګانو او امن اختر دے۔ د ګل په ورځ د مباركۍ خپل پېغام كښې ده ووئيل مونږ د خوشحالۍ په دې موقعه د هندو ورورولۍ په خوشحالو كښې يو برابر شريك يؤ۔ د هېواد تعمير او پرمختګ لپاره په پاكستان كښې د ژوند كوؤنكې هندو ورورولۍ خذمات د ستائنې وړ دي۔ د پاكستان د آئين له مخې په پاكستان كښې ژوند كوؤنكو د ټولو مذهبونو منونكو ته د خپل مذهب ٬ عقيدې او رسم ورواج له مخې د ژوند كولو آزادي ترلاسه ده۔ دوئي ووئيل پاكستان د بېلو مذهبونو او عقيدو منونكو مركز دے ٬ په قامي پرمختګ، ملي یووالي او همغږۍ کښې د هندوانو رول د ستایلو وړ دے۔
