اسلام آباد۔16مارچ(اے پی پی):وزیر اعظم شهباز شریف ته سعودي ولي عهد او وزيراعظم شهزاده محمد بن سلمان بن عبد العزيز السعود د خالي په ورځ د مباركۍ ټېلېفون وكړو۔ د وزیر اعظم آفس میډیا ونګ لخوا د جاري شوي اعلاميې له مخې سعودي ولي عهد وزيراعظم ته په بيا ټاكل كېدو مباركي وركړه۔ وزیر اعظم شهباز شریف د وزارت عظمی منصب سنبالولو څخه سمدستي وروستو د مباركۍ په رالېږلې شوي پېغام د ولي عهد مننه وكړه۔ وزيراعظم د خادم الحرمین شریفین شاہ سلمان بن عبدالعزیز روغ صحت لپاره دعا او د نېكو هيلو څرګندونه وكړه۔ ده سعودی مشرتابه سره سره سعودي اولس ته هم د رمضان المبارك بابركته مياشتې مباركي وركړه او دعا يۍ وكړه چې پاك پروردګار دې دا مياشت ګردې اسلامي نړۍ لپاره د امن او سوكالۍ سبب او زېرې وګرځوي۔ وزیراعظم ووئيل پاكستان سعودي عربستان سره په خپلو تاريخي او د ورورولۍ اړيكو وياړ لري ٬ دواړه هېوادونه تل يو بل سره څنګ په څنګ ولاړ پاتې شوي دي۔ وزیراعظم شهباز شریف ولی عهد ته زر تر زره د پاكستان دورې كولو بلنه وركړه۔ ده ووئيل پاكستانې اولس د شاهي عظمت په زړه پورې هركلي ته سترګې په لار دي۔ سعودي ولي عهد د وزيراعظم د جذباتو مننه وكړه۔ ده ووئيل دواړه هېوادونه يو بل سره د ورورولۍ نزدې اړيكې لري۔ ده پاكستان لپاره د سعودي عربستان د ملاتړ پخلے هم وكړو۔
