اسلام آباد 28 اګست (اے پي پي) د اطلاعات او خپرونو لنډمهاله وفاقي وزير مرتضيٰ سولنګي وئيلي دي چې اولس ته چې كوم بلونه وركړې شوې دي ھغې د جولائي د مياشت دي٬ لنډمهاله حكومت په 17م اګست سوګند پورته كړې٬ د اولس غصه جائز ده٬ خو د احتجاج په ځائ مونږ له د دې مسئلې حل پلو تګ پكار دے، دا بحث نه كوٶ چې د برېښنا په بلونو كښې د اضافې ذمه وار څوك دي، زمونږ فوكس اولس ته په ريليف وركولو كښې دے، مونږ ذمه وار آئيني لنډمهاله حكومت كښې يو٬ داسې نشي كېدې چې مونږ د دې مسئلې نوټس وانخلو٬ (نن) د نهې په ورځ د وفاقي كابينې په غونډه كښې به په دې مسئله خبره كېږي٬ هيله لرو چې اولس ته به ريليف ترلاسه شي۔ د دې خيالاتو څرګنددونه ده د ګل په ورځ نجي ټي وي چېنل سره په خبرو كښې كړې۔ ده ووئيل وزيراعظم دوه ورځې وړاندې د دې مسئلې نوټس اخستې٬ نن هم په دې لړ كښې اړوند شراكتدارو سره غونډه شوې٬ په دې خبره غور كوٶ چې د آئي اېم اېف په پروګرام كښې پاتې كېدو سره مونږ اولس ته څه ريليف وركولې شو٬ بايد ميډيا د بلونو د اضافې د وجوهاتو نه اولس خبر كړي، په هېواد كښې د وړاندې نه سياسي درجه حرارت زيات دے٬ مونږ دا كمول غواړو۔ د يوې پوښتنې په ځواب ده ووئيل د اولس غصه جائز ده خو د احتجاج په ځائې مونږ له د دې مسئلې حل راوباسل دي، مونږ له به په سوله ايز او د تشدد په احتجاج كښې په فرق پوهېدل وي۔ اولس دې د ډسكوز په ملازمانو د تشدد په ځائ د دې مسئلې حل پلو راشي۔ د يوې پوښتنې په ځواب ده ووئيل د لنډمهاله حكومت د مودې تعين الېكشن كمېشن له كول دي، الېکشن کمېشن د شريكې ګټې كونسل په غونډه كښې د پرېكړو په رڼا كښې د آئين د آرټيکل 51 له مخې د انتخاباتو پحقله ټول نظام الاوقات په وېب پاڼه جاري كړېدي۔ ده ووئيل مونږ به د الېكشن كمېشن لخوا په اعلان كړې شوې نيټه سوله ايز٬ سپېځلې او بې پرې انتخابات باوري كوٶ او په دې لړ كښې به د الېكشن كمېشن هر ډول ممكنه مرسته كولې شي۔
