اسلام آباد 11 نومبر(اے پي پي) د كورونو وزارت په نوې پاكستان هاؤسنګ پراجېكټ كښې د نجي او سركاري څانګې شركت لپاره قواعدو او ضوابطو ته حتمي شكل وركوي٬ په پروژه كښې به حكومت د رېګولېټر په توګه كاركوي او د نجي څانګې به په دې كښې كليدي كردار وي٬ يو كور به د دريو نه په پنځه مرله وي٬ په كچه آبادې كښې اوسېدونكو لپاره به د دوه كمرو٬ يو كچن او د وړوكې راهدارې پشمول ماډل تيارولې شي۔ د كورونو وزارت ذريعو اے پي پي ته ووئيل چې د كم آمد غريبو وګړو لپاره په مناسبه بېعه چت وركول د پاكستاني وزيراعظم په اېجنډا كښې شامل دي او دې مقصد لپاره وزيراعظم د ټولو ډلو يوه كمېټي جوړه كړې٬ كمېټې په دې پروژه تر اوسه ډېر كار كړے او زيات پام مالياتي ماډل٬ قانوني فرېم ورك او د زمكې ټاكنې ته شوې۔ د ذريعو له مخې دې مقصد لپاره يو ټاسك فورس هم جوړ كړے شوے او ملكي او غېر ملكي سرمايه كارو هم په دې پروژه كښې خوښي څرګنده كړې۔ په ټاسك فورس كښې سټېټ بنك٬ كمرشل بانكونو٬ د كورونو وزارت٬ پاكستان هاؤسنګ فاؤنډېشن او نورو حكومتي ادارو ته هم نمائندګي وركړې شوې۔ د ذريعو له مخې په دې لړ كښې پېپر ورك ترسره شوے او پائلټ پروژې لپاره 7 ښارونه ټاكل شوي دي۔ د رجسټرېشن فارمونه ترلاسه كولې شي او كور ترلاسه كولو لپاره به جلا خواست وركول وي۔ د ذريعو له مخې په دې پروژه كښې به يو شمېر صنعتونه شامل شي چې ورسره به د روزګار ډېرې موقعې هم پېدا شي۔ چين او متحده عرب اماراتو هم په دې پروژه كښې خپله دلچسپي څرګنده كړې٬ د سرمايه كارې كوونكو به هركلې كولې شي۔ خلقو ته به كورونه جوړولو لپاره د سود نه پاكې قرضې هم وركولې شي٬ د قرضې ستنولو موده به د 15 نه تر شل كلونو وي او مياشتنې قسط به د 5 نه تر 6 زرو پورې وي۔ د ذريعو له مخې مكمل فرېم ورك ته به د دسمبر تر 10مه نېټه حتمي شكل وركولې شي۔ د ذريعو له مخې په دې وخت كښې په پاكستان كښې 31.6 مليونه كورونه شته او د 12 مليونه كورونو ضرورت دے۔
