چارسده۔30 اګست (اے پی پی)ھالینډ كښې د حضور نبي كريم (ص) په شان كښې د سپكاوي خاكو په ضد د ضلعي حكومت د سېوري لاندې فاروق اعظم چوك چارسده كښې احتجاجي مظاهره او واك وكړې شو۔ د مظاهرچيانو مشري ضلعي ناظم فهد رياض او دوهم ناظم حاجي مصور شاه كوله۔ مظاهرچيانو بېنرې او پلې كارډ پورته كړي وو په كومو چې د هالېنډ د سپكاوي خاكو په ضد نعرې ليكلې وې۔ مظاهرچيانو ته خپل خطاب كښې ضلعي ناظم فهد رياض په سختو ټكو كښې د يادې شويو خاكو غندنه وكړه او د پاكستان حكومت څخه ئې غوښتنه وكړه چې هالېنډ سره په سمدستي توګه خپلې سفارتي اړيكې ختمې كړي۔ دوئي هېواد څخه د هالېنډ سفير د شړلو هم غوښتنه وكړه۔ تقرير كوؤنكو په خپلو تقريرونو كښې ووئيل د حضور نبي كريم (ص) په شان كښې سپكاوې به كله هم زغملې نه شي۔ او د نبي كريم (ص) شان لپاره به د كومې هم قربانۍ څخه سرغړونه كولې نه شي۔
