اسلام آباد 22 مئي (اے پي پي)حكومتې ګوند مسلم ليګ(ن)د پاكستان تحريك انصاف د 100 ورځو پلان د مسلم ليګ(ن)د وژن 2025 نقل او اولس له د دهوكې وركولو هڅه ګرځولو سره وئېلي دي د پي ټي آئي منصوبه عملي نه تصوراتي ده كومه چې يوه ټوقه ده ٬ دغسې مسلم ليګ(ن)په خپلو پنځو كالو كښې د ښې كاركردګۍ عملي ثبوت وړاندې كولو سره د توان په بحران قابو موندلې او د ترهه ګرۍ ختمولو لوظ يې پوره كړی٬مسلم ليګ(ن)په خپل دور كښې معيشت بحال كړی٬د تعليم او صحت پشمول په بېلو څانګو كښې اصلاحات شوي٬بلوچستان او كراچۍ كښې امن راغلې٬ټول ټاكنو كښې به قام د كاركردګۍ په بنياد پريكړه كوي٬د پنجاب حكومت د كاركردګۍ موازنه څوك د كے پي كے حكومت سره نه شي كولې٬پي ټي آئي دې د 100 ورځو ايجنډې په ځاې د خپلو پنځو كلونو حساب وركړي۔د نهې په ورځ د كورنيو چارو وزير احسن اقبال٬د خزانې وفاقي وزير مفتاح اسماعيل٬د اطلاعات او خپرونو وزيرې مريم اورنګزېب٬د روغتيا وفاقي وزيرې سائره افضل تارړ٬د پیشه وره تربيې او تعليم وفاقي وزير انجينئر بليغ الرحمان٬د توان وفاقي وزير اويس احمد خان لغاري او د پنجاب حكومت وياند ملك احمد خان پنجاب هاؤس كښې شريك خبري كنفرنس كښې د خپلو خپلو وزارتونو او حكومتي اقدامات رامخې ته كړل او د پي ټي آئي د 100 ورځو په منصوبه يې تنقيد وكړو۔د كورنيو چارو وزير احسن اقبال ووئيل د پي ټي آئي د 100 ورځو پلان اولس سره دهوكه ده۔دا پروګرام حقيقت نه لرې٬ده ووئيل مسلم ليګ(ن)چې قام سره كوم لوظونه كړي وو هغه يې پوره كړې٬په 2013 كښې د توان بحران او ترهه ګري تر ټولو لويې مسئلې رامخې ته وې او نن تر ډېره حده په دې مسئلو قابو موندلې شوې٬ ده ووئېل هېواد كښې د ترهه ګرو ملا ماته شوې او مونږ معيشت محفوظ كړی ٬ پاكستان د 2013 په مقابل كښې نن يو محفوظ هېواد دے٬ده ووئيل تېرو پنځو كلونو په مهال د په هېواد كښې 10 زره مېګاواټ برېښنا پیدا شوې كوم چې يو رېكارډ دې۔ده ووئيل حكومت كراچۍ او بلوچستان كښې امن راوستې او په ترهه ګرۍ يې قابو موندلې۔احسن اقبال ووئيل د حكومتي اقداماتو په سوب پاكستان په خپل تاريخ كښې پھ درېم ځل د ټېك آف پوزېشن ته رسېدلې۔شرح نمو 6 فيصد ته رسولې شوې۔سي پیك ګيم چېنجر منصوبه ده ٬دغه خوب مونږ پھ حقيقت كښې بدل كړی چې ورسره په اربونو ډالره سرمايه كاري شوې٬ ده ووئېل د ټولې نړۍ ادارې پاكستان لپاره دا منصوبه اثاثه ګرځوي۔وفاقې وزير ووئيل د تعليم او صحت په څانګو كښې هم وفاقي حكومت كار كړې٬سره د دې چې دا صوبائي معاملات دي۔ده ووئيل پي ټي آئي په دوهم ځل قام له دهوكه وركړی٬ په 2013 كښې پي ټي آئي د كے پي كے لپاره د 90 ورځو ايجنډا وړاندې كړی وه كومه چې اولس وكتله٬پي ټي آئي دې دا اووائي چې هغوي په كے پي كے كښې په خپل منشور تر كومه حده كار كړی۔د كورنيو چارو وزير ووئيل ميټرو ته جنګله بس وئيونكو بيا هم د هغه پروګرام نقل وكړو خو حالت دا دے چې په 2014 كښې وفاقي حكومت د ميټرو اجازه وركړی وه او هغوي په څلورو كلونو كښې د ميټرو لپاره جنګلې هم ونه لګولې او نن پیښور د تباهۍ سره مخ دے۔ده ووئيل ټول ټاكنو كښې به مونږ ټول اولس ته وړاندې كېږو٬اولس ته خواست كوم چې يوه يوه ورځ د نورو صوبو حالت معلوم كړي نو هغوي ته به ښكاره شي چې كوم ګوند كار كړی۔ده ووئيل ټول ټاكنو كښې به سياسي ګوندونه اولسي عدالت ته وړاندې كېږي او اولس به د كاركردګۍ په بنياد پريكړه كوي۔د خزانې وزير مفتاح اسماعيل ووئيل عمران خان چې د 100 ورځو پروګرام كښې كومې منصوبې وړاندې كړي د يو كروړ روزګار وسيلو پېدا كولو پشمول په هغې پھ پنځو كلونو كښې 8 اربه ډالره لګښت راځي او دغسې د كال به 1598 اربه روپۍ هغه دې پروژو له د چرته څخه راوړي۔د محصولاتو به څه پلان وي٬هغه دا په خپل پروګرام ګښې نه دي بيان كړي٬څنګه منصوبه چې وړاندې كړی شوې هغې سره به د ګرانۍ طوفان راشي۔ ده ووئېل ټېكس به څنګه او چرته څخه زياتوي۔په دې اړه هم هغه په منصوبه كښې څه نه دي وئېلې٬د پي ټي آئي پلان عملي نه بلكې تصوراتي دے۔د وزيراعظم صلاحكار هارون اختر ووئيل پي ټي آئي په خپل پلان كښې وړومبنۍ دا نكته وړاندې كړی چې مونږ به يو ټاسك فورس جوړو كوم به چې بهر ته غلا شوې دولت بېرته راوړي او هغوي به ټېكسونو كښې كمې او غريبي ختموي ٬ ده ووئېل بايد هغوي ته دا معلومه شي چې كله پېسه هېواد څخه بهر لاړه شي نو كوم ټاسك فورس هغه د ډنډې په زور بېرته نه شي راوړې۔ده ووئيل د پي ټي آئي په منصوبه كښې تضادات دي٬سول سروس ريفارمز او د احتساب ادعاګانې شوي۔ده ووئيل كه په هره معامله د بيورو كريټس احتساب پیل كړی شي نو دې سره په كار كښې خنډان رامخې ته كېږي۔ده ووئيل پي ټي آئي دا نه دي وئېلې چې د روزګار موقعې به څنګه پېدا كولې شي۔ده ووئيل مونږ په اقتصادي مېدان كښې هم اقدامات كړي چې ورسره نه يوازې د ټېكس بنياد ته پراختيا ترلاسه شوې بلكې ريونيو هم زياته شوي۔ده ووئيل حكومت په هېواد كښې د برېښنا لوډشېدڼګ ختم كړی٬د ګرانۍ شرح كمه شوې٬سړي سر آمدن زيات شوې چې ورسره بې روزګاري ختمه شوې۔اويس لغاري ووئيل عمران خان د 100 ورځو په خپل پلان كښې پھ واټر پالېسۍ د عملدرآمد خبره كړی هغه ته دا نه ده معلومه چې د مسلم ليګ(ن)حكومت دوه اونۍ وړاندې واټر پالېسي اعلان كړی په كومه چې د خېبرپښتونخوا وزيراعلٰی هم لاس ليك كړی۔ده ووئيل عمران خان د واټر پالېسۍ علم هم نه لري هغه به په دې عملدرآمد څه وكړي۔ده ووئيل عمران خان د ګرځينده قرض خبره كړی خو هغه ته دا هم نه ده معلومه چې ګرځينده قرضې څه وي۔هغه به وړومبۍ سل ورځې په دې سوچ كښې تېرې كړي۔مفتاح اسماعيل ووئيل دې ډول ډرامو سره اولس دهوكه كېدې نه شي۔د تعليم او پېشه وره تربيې وزير انجينئر بليغ الرحمان ووئيل مسلم ليګ(ن) په خپل پنځه كلن دور كښې د تعليم په څانګه كښې د اقدامات كوي۔د اعلٰی تعليم بجټ يې يو په دوه زيات كړی۔په 2013 كښې د اېچ اي سي بجټ 42 ارب روپۍ وو كوم چې اوس 107 ارب روپۍ ته رسولې شوې۔ده ووئيل وفاقي حكومت د فرق نه غېر هر كال د پوهنتون زده كوونكو له 1 لك لېپ ټاپ وركړي۔ د تعليم وزير ووئېل بليغ الرحمان ووئيل د اتلسم بدلون نه پس تعليم صوبو ته سپارلې شوې خو سره د دې وفاقي حكومت د خپلو ذمه وارو احساس كولو سره نصاب ښه كړی۔ده ووئيل آؤټ آف سكول چلډرن يوه لويه مسئله وه او د حكومت پالېسو سره پھ دې كښې كمې راغلې۔د سركاري سكولونو حالت ښه شوې اوس وګړي د نجي سكولونو په ځاې سركاري سكولونو ته ترجيح وركوي كومه چې زمونږ لويه كاميابي ده۔د نېشنل هېلت سروسز ريګولېشن اينډ سروسز وفاقي وزيرې سائره افضل تارړ ووئيل حكومت په هېواد كښې د روغتيا ځانګړې آسانۍ وركړي۔وفاقي حكومت وړومبې هېلت وژن وړاندې كړی دغسې د اربونو روپو ماليت نېشنل هېلت پروګرام كاميابۍ سره روان دے۔دې ووئيل پي ټي آئي سل ورځو پروګرام كښې چې د صحت كومه حواله وركړی هغه اولس سره ټوقې دي۔ده ووئيل د صحت څانګه صوبو ته سپارلې شوې خو سره د دې مسلم ليګ(ن)د دې څانګې اهميت تر نظر ساتلو سره يونيورسل هېلت پروګرام پېل كړی۔دې ووئيل پي ټي آئي د هېواد د پسمانده سيمو خبره كوي٬د دې پروګرام ترمخه مونږ د ټولو صوبو پسمانده ضلعې د دې برخه ګرځولې۔دې ووئيل د اربونو روپو لګښت سره د اي پي آئي پروګرام كاميابۍ سره روان دے٬په دې حقله كوم سكينډل نه دې رامخې ته شوې۔د صحت وزيرې ووئيل د پنجاب حكومت وياند ملك احمد خان د صوبائي حكومت كاركردګي وړاندې كولو سره ووئيل پي ټي آئي چې كوم پروګرام وړاندې كړی په هغې په مېډيا كښې تنقيد شوې٬ 11 نكتې كومې چې هغه وركړی پھ هغې كښې د هېلت٬ايجوكېشن او پوليس ريفارم هم شامل وو۔پي ټي آئي ادعا كوي چې مونږ په خپله صوبه كښې پوليس ريفارمز كړي٬د آئي جي تعيناتۍ عمل غېر سياسي ګرځولو ادعا شوې خو په صوبه كښې د عاصمه راني كيس كښې د پوليس كاركردګي ښكاره شوې
