مشهد – 03 – ڊسمبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار اي سي او وزارتي اجلاس جي موقعي تي ايران جي شهر مشهد ۾ اي سي او جي سيڪريٽري جنرل ڊاڪٽر اسد مجيد سان ملاقات ڪئي. پرڏيهي آفيس موجب هن واپاري رابطن، علائقائي رابطن ۽ عوام سان عوام جي رابطن کي مضبوط بڻائي علائقائي تعاون کي فروغ ڏيڻ ۾ اي سي او جي اهم ڪردار تي خيالن جي ڏي وٺ ڪئي. نائب وزيراعظم اي سي او ۽ علائقائي رابطن ۽ اقتصادي تعاون جي ويزن جي لاءِ پاڪستان جي مسلسل عزم جو ورجاءُ ڪيو.
