اسلام آباد-27 نومبر (اي پي پي) پمز اسپتال انتظاميه واضح ڪيو آهي ته پي ٽي آءِ احتجاج جي حوالي سان سوشل ميڊيا تي مظاهرين جي فوتگين بابت هلندڙ خبرن ۾ ڪا به صداقت ناهي. پي ٽي آءِ احتجاج دوران فوتگين جي حوالي سان پمز اسپتال جي انتظاميه طرفان جاري ڪيل وضاحتي بيان ۾ چيو ويو آهي ته سوشل ميڊيا تي مظاهرين جي فوتگين جي بابت هلندڙ خبرن ۾ ڪا به صداقت ناهي. احتجاج دوران قانون لاڳو ڪندڙ ادارن جي 66 ملازمن جڏهن ته 36 شهرين کي ايمرجنسي ۾ آندو ويو. بيان مطابق اڪثر ماڻهن کي شروعاتي طبي امداد کانپوءِ ڊسچارج ڪيو ويو جڏهن ته ڪجهه زخمين جي طبي امداد جاري آهي.
