پشاور-22 جولاءِ (اي پي پي) خيبرپختونخوا جي گورنر فيصل ڪريم ڪنڊي چيو آهي ته خيبرپختونخوا جي وڏي وزير علي امين گنڊاپور جي هتڪ عزت نوٽيسز جي ڪا به حيثيت ناهي. مانسهره ۾ ميڊيا سان ڳالهائيندي هن چيو ته خيبرپختونخوا جي وڏي وزير طرفان مون کي موڪليل هتڪ عزت نوٽيس جي ڪا به حيثيت ناهي. هن چيو ته صوبي ۾ 10 سالن جي ڪارڪردگي تي وڏي وزير کي مناظري جو چئلينج ڪريان ٿو. گورنر چيو ته صوبي ۾ گورنر راڄ لاڳو ڪري سياسي يتيمن کي سياسي شهيد نه بڻجڻ ڏينداسين.
