اسلام آباد – 18 – اپريل (اي پي پي) صدر آصف علي زرداري چيو آهي ته گڏيل قومي مقصدن جي لاءِ متحد ٿي ڪم ڪرڻو پوندو. سورهين قومي اسيمبلي جي پهرين پارلياماني سال جي شروعات تي پارليامينٽ جي گڏيل اجلاس کي پنهنجي خطاب ۾ صدر چيو ته کيس سياسي قيادت، ادارن، سول سوسائٽي ۽ نوجوانن جي صلاحيت تي پورو اعتماد آهي، پنهنجي عوام جي طاقت تي منهنجو پختو يقين آهي. صدر چيو ته ملڪ کي مُشڪل سماجي، ماحولياتي ۽ معاسي چئلينجز درپيش آهن، اسان جا مسئلا پيچيده ضرور آهن پر انهن جو حل ممڪن آهي، يقين آهي ته اخلاقي ۽ سياسي سرمائي جي ڪري ملڪ کي مسئلن مان ڪڍي سگهجي ٿو.
