اسلام آباد – 11 – اپريل (اي پي پي) صدر آصف علي زرداري سان عيد جي ٻئي ڏينهن زرداري هائوس نوابشاهه ۾ اسيمبلي ميمبرن، پيپلزپارٽي جي عهديدارن ۽ ڪارڪنن ملاقات ڪئي ۽ عيدالفطر جي مبارڪباد ڏني. ايوان صدر جي پريس ونگ پاران جاري بيان موجب صدر آصف علي زرداري سان پاڪستان پيپلزپارٽي سنڌ جي صدر نثار احمد کهوڙو، ايم اين اي شازيه مري، صوبائي وزير ضياءَ الحسن لنجار، حاجي علي حسن زرداري عيد مليا، قومي اسيمبلي جو ڊپٽي اسپيڪر سيد غلام مصطفيٰ شاهه، عاجز ڌامراهه، ارباب لطف الله ۽ محمد علي ملڪاڻي پڻ صدر سان عيد مليا، علي اڪبر جمالي، عاشق زرداري، غلام شاهه لغاري، خان بهادر ڀٽي ۽ ٻين پڻ صدر آصف علي زرداري سان ملاقات ڪئي.
