اسلام آباد – 14 – مارچ (اي پي پي) صدر آصف علي زرداري وزيراعظم شهباز شريف ۽ خيبرپختونخواهه جي وڏي وزير علي امين گنڊاپور جي وچ ۾ ملاقات جي آجيان ڪندي چيو آهي ته وزيراعظم ۽ خيبرپختونخواهه جي وڏي وزير جي وچ ۾ ملاقات بهتر شروعات آهي، اهو ئي وقت آهي ته اسان پاڪستان کي درپيش اختلاف ختم ڪرڻ جو سوچيون. ايوان صدر جي پريس ونگ موجب صدر چيو ته سدائين پاڪستان کي اولين ترجيح ڏيڻ جو حامي رهيو آهيان، وقت اچي ويو آهي ته اسان ماڻهن کي اميد ڏياريون ته جمهوري عمل ڪم ڪري سگهي ٿو.
