اسلام آباد – 08 – فيبروري (اي پي پي) صدر ڊاڪٽر عارف علوي چيو آهي ته اسلامي جمهوريه پاڪستان قومي ۽ صوبائي اسيمبلين ۾ نمائندا چونڊڻ جي لاءِ توهان جي ووٽ جي ذريعي توهان کان ذاتي مشورو گهريو آهي، ان جي لاءِ اها توهان جي اسلامي، آئيني ۽ شهري ذميواري آهي. هڪ ٽوئيٽ ۾ هن چيو ته اسان هڪ خاندان طور پنهنجي پولنگ اسٽيشن تي پهتاسين، لائين ۾ بيهي ووٽ ڏنوسين، توهان سڀني کي به درخواست آهي ته ٻاهر اچي پنهنجي راءِ جو حق استعمال ڪريو. هن چيو ته پاڪستان کي توهان جي راءِ جي جيتري ضرورت اڄ آهي اڳ ۾ ڪڏهن به نه هئي.
