اسلام آباد – 09 – نومبر (اي پي پي) نگران وزيراعظم انوارالحق ڪاڪڙ ازبڪستان جي ٻن ڏينهن جي دوري کانپوءِ پاڪستان جي لاءِ روانو ٿي ويو. تاشقند جي عالمي هوائي اڏي تي ازبڪستان جي وزيراعظم نعمتويچ عارفوف ۽ پاڪستاني سفارتي عملي نگران وزيراعظم کي رخصت ڪيو. پنهنجي ٻن ڏينهن جي ازبڪستان جي دوري ۾ نگران وزيراعظم 16 هين اقتصادي تعاون تنظيم (اي سي او) سربراهي اجلاس ۾ شرڪت ڪئي ۽ عالمي اڳواڻن سان ملاقاتون پڻ ڪيون.
