اسلام آباد – 22 – سيپٽمبر (اي پي پي) نگران وزيراعظم انوارالحق ڪاڪڙ اڄ جمعي ڏينهن گڏيل قومن جي جنرل اسيمبلي جي 78 هين اجلاس کي خطاب ڪندو. وزيراعظم آفيس جي ميڊيا ونگ پاران جاري بيان موجب نگران وزيراعظم جو خطاب پاڪستاني وقت موجب رات 8 وڳي متوقع آهي. اجلاس جي موقعي تي نگران وزيراعظم ۽ نيدرلينڊ جي وزيراعظم جي ملاقات پڻ متوقع آهي جڏهن ته نگران وزيراعظم گڏيل قومن جي سيڪريٽريٽ ۾ ڪم ڪندڙ پاڪستانين سان پڻ ملاقات ڪندو. ان کانسواءِ نگران وزيراعظم عالمي ميڊيا جي نمائندن کي انٽرويو ڏيندو ۽ نيويارڪ ۾ موجود پاڪستاني ميديا جي نمائندن سان پڻ ڳالهه ٻولهه ڪندو.
