اسلام آباد- 16 سيپٽمبر (اي پي پي) اطلاعات ۽ نشريات واري نگران وفاقي وزير مرتضيٰ سولنگي جي ڪوششن سان وانا سان تعلق رکندڙ سينئر صحافي ظفر وزير کي ڪي پي ڪي حڪومت طرفان مفت علاج جي سهولت فراهم ڪئي ڳوئي. اطلاعات ۽ نشريات واري وزارت مان جاري بيان مطابق نگران وفاقي وزير مرتضيٰ سولنگي، ڪي پي ڪي جي وڏي وزير کي صحافي ظفر وزير جي علاج لاءِ خط لکيو هو. وفاقي وزير جي درخواست تي سينئر صحافي جي دل جي سرجري تي آيل سمورو خرچ ڪي پي ڪي حڪومت ڪندي. واضح رهي ته صحافي ظفر وزير 2004ع کان قومي ميڊيا لاءِ پنهنجون خدمتون سرانجام ڏئي رهيو آهي ۽ ڪجهه عرصي کان دل جي بيماري ۾ مبتلا آهي.
