اسلام آباد۔24اپریل(اے پی پی):سپیکر قومی اسمبلی راجہ پرویز اشرف اتے ڈپٹی سپیکر زاہد اکرم درانی جامشورو توں سیہون شریف ونڄݨ آلی زائرین دی کوسٹر کوں پیش آوݨ آلے حادثہ دےنتیجہ اچ انسانی جانی ضیان تے ݙکھ تے افسوس کیتے ۔ سپیکر و ڈپٹی سپیکر حادثہ اچ جاں بحق تھیوݨ آلیں دے لواحقین نال دلی ہمدردی دا اظہار کیتے۔ انہاں دعا کیتی جو اللہ تعالیٰ مرحومین دی مغفرت کرےاتے لواحقین کوں ناقابل تلافی نقصان برداشت کرݨ دا حوصلہ اتے ہمت ݙیوے۔
