اسلام آباد – 02 – آگسٽ (اي پي پي) صدر ڊاڪٽر عارف علوي 13 جولاءِ تي ڪڇي ڪينال، سوئي بلوچستان ۾ حملي ۾ شهيد ٿيندڙ سپاهي محمد ناصر جي والد سان ٽيليفون تي ڳالهه ٻولهه ڪئي ۽ شهيد کي ملڪ جي لاءِ جان جو نذرانو پيش ڪرڻ تي خراج عقيدت پيش ڪيو. صدر شهيد جي ملڪ لاءِ خدمتن، فرض سان لڳاءُ ۽ حب الوطني کي سلام پيش ڪيو. صدر قوم پاران شهيد جي خاندان کي سلام پيش ڪيو ۽ ٿورا مڃيا. شهيد جي والد بکر ضلعي ۾ سرڪاري اسڪول جو نالو سپاهي محمد ناصر شهيد جي نالي تي رکڻ جي خواهش جو اظهار ڪيو. صدر شهيد جي لاءِ بلند درجن ۽ گهرڀاتين جي لاءِ صبر جي دعا ڪئي.
