اسلام آباد – 29 جولاءِ (اي پي پي) سڌ سماءَ واري وفاقي وزير مريم اورنگزيب چيو آهي، ته پاڪستان مسلم ليگ (ن) جي انتظام هيٺ قصور، کڊيان ۾ (اڄ) آچر تي ٿيندڙ جلسو موسم جي خرابي سبب ملتوي ڪيو ويو آهي. پنهنجي ٽوئيٽ ۾ هن چيو ته هاڻي انشاء الله اهو جلسو ڇنڇر 5 آگسٽ تي ٿيندو. وزيراعظم شهباز شريف عوام کي سفر جي بهترين سهولتن جي فراهمي جي هڪ ٻئي منصوبي ’لاهور قصور بهاولنگر‘ موٽر وي جي افتتاح کان پوءِ کڊيان ۾ هڪ وڏي عوامي ميڙ کي خطاب ڪندو.
