لاهور 24 جنوری (اے پی پی)د اطلاعات٬خپرونو او پارليماني چارو نګران وفاقي وزير مرتضٰی سولنګي د تهيليسيميا رنځ مخ نيوي لپاره په غوره خذمات منو بهائي(ارواښاد)ته د عقيدت پېرزوئنې وړاندې كولو سره وئېلي دي منو بهائي ټول ژوند د تهيليسيميا رنځورانو لپاره وقف كړے ؤ ٬د سندس فاؤنډېشن په بنياد اېښودلو منو بهائي يو مثال جوړ كړے٬ د تھیلیسیمیا مخ نيوي لپاره به قوانين ښه كول وي۔د دې خيالاتو څرګندونه ده د شورو په ورځ د سندس فاؤنډېشن تر سيوري لاندې د منو بهائي 6مې برسۍ دستورې ته وينا كولو په مهال كړې۔په دې موقع د سندس فاؤنډېشن ډائرېكټر خالد عباس ډار٬صدر ياسين خان٬سهيل وړائچ٬حفيظ الله خان نيازي٬مجيب الرحمان شامي٬ صغری صدف او نور هم موجود وو۔د اطلاعات او خپرونو نګران وفاقي وزير ووئيل د منو بهائي په پي ټي وي چلېدونكے د روانو چارو پروګرام په اولس كښې مقبوليت لرلو٬په دې پروګرام كښې منو بهائي د يو تجربه كار خذمات ترسره كړي٬اولس تراوسه د هغه پروګرام ګوري۔ده ووئيل منو بهائي يو ښه او مخلص انسان ؤ ٬هغه خپل ژوند د تهيليسيميا ماشومانو علاج لپاره وقف كړے ؤ ٬سندس فاؤنډېشن كښې د تهيليسيميا ماشومانو علاج لپاره چې كوم كار كېږي هغه د ستائنې وړ دے ۔وفاقي وزير ووئيل د تهيليسيميا مخ نيوي لپاره به احتياطي تدابير خپلول وي۔په دې اړه قوانين لا ښه كول او په دې به عملدرآمد كول وي۔مرتضٰی سولنګي ووئيل مونږ نن منو بهائي ته د عقيدت پېرزوئنې وړاندې كوو او دې عهد لپاره رايوځاے شوي يو چې منو بهائي د انساني خذمت كوم بېرغ په خپلو لاسونو كښې پورته كړے ؤ دا دغسې هسك ساتل دي۔ده ووئيل مونو بهائي كالم نګارۍ سره سره شاعرۍ هم كوله٬د هغه مورنۍ ژبه پنجابي كښې شاعري لازواله ده٬په دستوره كښې نورو ګډون كوونكو هم منو بهائي ته پیرزوينې وړاندې كړې۔د دستورې په پاې كښې پير ضياالحق نقشبندي د ارواښاد لپاره اجتماعي دعا وكړه۔د دې نه وروستو د اطلاعات او خپرونو وفاقي وزير مرتضٰی سولنګي د سندس فاؤنډېشن ليب دوره وكړه او د تهيليسيميا ماشومانو رنځورانو له يې ډالۍ وركړې۔
