پېنډۍ۔24 نومبر(اے پی پی) د پاك پوځ وياند لېفټېننټ جنرل بابر افتخار په آزاد كشمير كښې د ترهګرو لانچ پېډ سره اړونده د هندي پوځ ادعا بې بنسټه ګرځولو سره وئيلي دي پاك پوځ د هر ډول مهم جوئي بشپړ ځواب كولو له چمتو دے۔ د زيارت په ورځ ډي جي آئي اېس پي آر لېفټېننټ جنرل بابر افتخار په خپل ټويټ كښې ووئيل د آزاد جموں و کشمیر په اړه د اعلی هندي پوځي چارواكو بيان بې بنسټه دے٬ آزاد كشمير كښې تش د نامې ترھګرو لانچ پېډ دعوي حقيقت نه لري٬ دا بيان د هندي وسله والو ځواكونو د پروپېګنډا سوچ عكاسي كوي۔ ده ووئيل هندي پوځ په غېر قانوني توګه قبضه كړي جموں وكشمير كښې د خپلواكۍ حق ترلاسه كولو له روانې هڅې لمينځه وړولو كښې بوخت دے٬ هندي پوځ د بې ګناه او تش لاسې كشميري اولس په ضد د بشري حقونو سختو خلاف ورزيو څخه پام بل پلو ګرځولو له دا ډول بې بنسټه بيانونه وركوي۔ ده ووئيل د ملګرو ملتونو د سلامتي كونسل د قرارداد له مخې د خپلواكۍ حق د كشميري اولس بنيادي حق دے۔ ده ووئيل هندي پوځ د خپلو سياسي مشرانو د ټاكنې كمپائن لپاره غېر ذمه واره بيانونه وركوي٬ هندي پوځ بايد دې څخه ډډه وكړي۔ ده ووئيل د هندي اعلی چارواكي لويې لويې ادعاګانې بې بنسټه او په سپكاوي اډانه دي۔
