اسلام آباد۔10نومبر(اے پی پی) د چين د پیپلز اېسوسی اېشن فار فرېنډ شپ ود فارن کنټریز (سي پي اے اېف اېف سي) صدر لین سونګ تیان وئيلي دي چين پاکستان سره د پېشه ورې تريبې ادارو او د دوه اړخيزه مرستې د لارې د ځوانانو د صلاحيتونو لا ښه كولو لپاره كار كوي ، چين به د انفراسټركچر پرمختګ او د ځوانانو د كار استعداد زياتولو له د پاكستان مرسته كوي۔ د دې خيالاتو څرګندونه ده د زيارت په ورځ په اسلام آباد كښې په چينائي سفارت كښې خبري كنفرنس ته خطاب كښې وكړه۔ ده د چين او پاكستان د ځانګړې ملګرتيا ذكر كولو سره ووئيل د چين ذمه واري ده چې هغه تجارت زياتولو او د بنيادي اډانې او ټېكنالوجي ترقي عصري كولو سره پاكستان د بې وزلۍ څخه بهر كړي۔ لین سونګ تیان ووئيل د دې هدفونو سر كولو له د زده كړو سره سره تكنيكي مهارت هم بنيادي اهميت لري۔ ده ووئيل سي پي اے اېف اېف به د دواړو هېوادونو ترمينځه اړيكې مضبوطولو له د خلقو ترمينځه تبادله زياتولو كښې خپل كردار ترسره كړي۔ لېن سونګ تیان ووئيل شعور بېدارولو له د ميډيا كردار ډېر مهم دے۔ ده د ابلاغ په ذريعو زور راوړو چې هغوي د دواړو هېوادونو پرمختګ او پېشرفت رامخې ته كولو له خپل كردار ترسره كړي۔ د يوې پوښتنې په ځواب كښې ده ووئيل بېلټ اېنډ روډ انېشیټو يو لوې پلېټ فارم دے او دا د انسانيت د ګډې پرمختګ له يو مهم قدم دے۔ د چین پیپلز اېسوسی اېشن فار فرېنډ شپ ود فارن کنټریز صدر ووئيل د سي پېك په اولني پړاؤ كښې پاكستان كښې د توان په ستونزه كښې كمے او مواصلاتي انفراسټركچر كښې ښه والې رامخې ته شو٬ دواړه هېوادونه د دې روايتي ملګرتيا زياتولو لپاره كار كوي دغسې چې اولس ته ګټه ورسي۔ د چين د كميونسټ ګوند د 20 م قومي كانګرېس ذكر كولو سره ده ووئيل د کانګرېس په كاميابۍ پايې ته په رسېدو د پاكستان وزيراعظم د چين دوره كړې كومه چې د كوم هم بهرني مشر د چين اولنۍ دوره وه۔ د پاكستان خپلې دورې په اړه د يوې پوښتنې په ځواب كښې ده ووئيل پاكستان كښې زما تود هركلے شوے۔ د چين اولس پاكستانو وروڼو او خوېندو ته د قدر په سترګه ګوري٬ پاكستان او چين ټول عمري لباره يو بل سره ولاړ پاتې شوي۔ ده ووئيل د كال 2008 په يخنۍ موسم كښې د راغلې تباهۍ كونكې زلزلې نه پس چين لپاره د پاكستان مرسته به چرې هم هېره نه كړؤ
