کراچی 20 جون (اے پي پي) لنډ مهاله وزيراعظم جسټس (ر) ناصر الملك وئيلي دي راتلونكې ټولټاكنې به زمونږ د سياسي تاريخ مهم موړ ثابت شي٬ د اولسي ترجيحاتو له مخې حكومت جوړول او د اقتدار منتقلي به د جمهوري رواياتو له مخې باوري كولې شي٬ لنډ مهاله حكومت انتخابي عمل ٬ انتظامي معاملې په ښه ډول چلولو او د جمهوري رواياتو له مخې نوې حكومت ته اقتدار منتقل كولو لپاره بشپړه اقدامات كوي۔ د ګورنر هاٶس نه د جاري شوي اعلاميې له مخې د دې خيالاتو څرګندونه لنډ مهاله وزيراعظم د شورو په ورځ د سندھ ګورنر محمد زبېر سره ملاقات كښې كرې ٬ د ملاقات په مهال د جولائي په 25مه نيټه كېدونكې ټولټاكنې٬ پاكې٬ منصفانه او سپيځلې جوړولو لپاره اقدمات٬ صوبه كښې ټولو سياسي ګوندونو ته په ټولټاكنو كښې د برخې اخستو يو ډول موقعې وركولو او د پولنګ په ورځ امن او امان باوري كولو پشمول د شريكې خوښې په نورو چارو د خيالاتو څرګندونه وكړې شوه۔ د ملاقات په مهال ټولټاكنو كښې د اولس ګډون لپاره ښه امنيتي وضعه او آزاد٬ سپېځلې ٬ پاكې او بې پرې انتخابي عمل په هر ډول باوري كولو له د عزم څرګندونه وشوه ۔ د ملاقات په مهال سلا راغله چې د سياسي هلو ځلو په مهال به فول پروف امنيت باوري كولو لپاره ټول وسائل كارولې شي٬ په خاص توګه د هېواد په معاشي حب كراچۍ كښې ښه چاپېريال وركولو له به ټول ممكنه اقدامات كولې شي ۔په دې موقع لنډ مهاله وزيراعظم جسټس (ر) ناصرالملك په ګورنر هاٶس كښې د قائداعظم روم دوره هم وكړه او د پاكستان د موسئس د استعمال څيزونو جاج ئې واخست۔ لنډ مهاله وزيراعظم د قائداعظم د استعمال د څيزونو په خيال ساتلو د ګورنر هاٶس د عملې ستائنه كولو سره ووئيل دا څيزونه زمونږ د تاريخ يو مهم باب دے۔ په دې موقع د سندھ لنډ مهاله اعلٰې وزير فضل الرحمان هم موجود ؤ ۔
