اسلام آباد – 23 مارچ (اي پي پي) صدر ڊاڪٽر عارف علوي پاڪستان جي بانين جي قربانين ۽ جدوجهد کي خراج عقيدت پيش ڪندي انهن جي نظرين تي ڪاربند رهڻ جي عزم کي ورجائيندي چيو آهي ته اسان جمهوريت، انصاف ۽ امن جي لاءِ پرعزم آهيون، اسان جي منزل باباءِ قوم قائداعظم محمد علي جناح جي ويزن موجب هڪ مثالي جمهوري رياست حاصل ڪرڻ آهي. هن اها ڳالهه پاڪستان جي ڏهاڙي جي موقعي تي پنهنجي پيغام ۾ چئي جيڪو اڄ جوش ۽ جذبي سان ملهايو پيو وڃي.
