اسلام آباد۔6دسمبر (اے پی پی) نگران وزیراعظم انوارالحق کاکڑ ملک اچ پولیو کیسز تے تشویش کریندیں ہوعیں آکھیا جو اے اساں کیتے لمحہ فکریہ اے جو پوری دنیا توں پولیو مُک ڳئے پر پاکستان اتے افغانستان اچ اے وائرس اڄاں وی موجود اے۔ پولیو مکاوݨ کیتے آندے سال دا ہنگامی پلان ٻݨایا ونڄے۔ اے ڳالھیں انہاں بدھ کوں انسداد پولیو ٹاسک فورس دے جائزہ اجلاس دی صدارت کریندیں ہوئیں آکھی۔ اجلاس اچ نگران وفاقی وزیر صحت ڈاکٹر ندیم جان، نگران وزیر اعلیٰ خیبر پختونخوا جسٹس (ر) ارشد حسین شاہ نیشنل، ٹاسک فورس دے اعلی حکام، چیف سیکریٹریز، قانون نافذ کرݨ آلے اداریاں دے نمائندے اتے متعلقہ حکام شریک تھیے۔ وزیراعظم اڄوکی رپورٹ اچ پولیو کیسز تے تشویش کریندیں ہوئیں آکھیا جو اے اساں کیتے لمحہ فکریہ اے جو پوری دنیا توں پولیو مُک ڳئے پر پاکستان اتے افغانستان اچ اے وائرس اڄاں وی موجود اے۔وزیراعظم پولیو ویکسی نیشن کیتے مانیٹرنگ دا نظام ٻیا بہتر کرݨ اتے ایں بارے جدید ٹیکنالوجی دا استعمال کرݨ دی وی ہدایت کیتی۔
