اسلام آباد۔21مئی (اے پی پی) وزیر اعظم محمد شہباز شریف آکھیا جو میݙی تمنا اے جو پاکستان کڈنی اینڈ لیور انسٹیٹیوٹ گردہ، جگر دی بیماریاں دے علاج کیتے پاکستان دی سنڄاݨ ٻݨے۔ اے ہمیشہ میڈے دل دے نیڑے رہیے، اے ہک مثال اے، اساں اینکوں مثال توں بے مثال ٻݨیسوں۔ انشاءاللہ!۔ وزیر اعظم آݙت وار کوں اپݨے ہک ٹویٹ اچ آکھیا جو پاکستان کڈنی اینڈ لیور انسٹیٹیوٹ ہمیشہ توں میݙے دل دے نیڑے رہیے۔ وزیر اعظم آکھیا جو افسوس دی ڳالھ اے جو عمران نیازی اتے ہک سابق چیف جسٹس ایں مشن کوں اپݨی سیاست اتے ذاتی فائدے دا نشانہ ٻݨایا اتے ایں ہسپتال دا ضیان کیتا۔
