اسلام آباد۔8ستمبر (اے پی پی):پروٹیکٹر آف امیگرنٹس کلیئرنس کوں ڈیجیٹل کرݨ نال ٻاہرلے ملکاں ملازمت دے خواہشمند لوکاں کوں سہولتاں مل ویسن ۔ وفاقی وزیر سمندر پار پاکستانیز ساجد حسین طوری آکھیے جو پروٹیکٹر آف امیگرنٹس کلیئرنس کوں وختی ڈیجیٹلائز اتے آن لائن کیتا ویندا پئے ایں ضمن اچ کیبنٹ کمیٹی فار لیجسلیٹو بزنس رولز اچ ترمیم دی منظوری ݙے ݙتی اے تے کابینہ دے آندے اجلاس دے ایجنڈے تے ہے ۔ انہاں آکھیے او وزیراعظم شہباز شریف دے مشکور ہن جنہاں دیاں ذاتی کوششاں، توجہ اتے دلچسپی توں اے اہم کم مکمل تھئے ۔انہاں آکھیے جو کابینہ توں منظوری دے بعد ای پروٹیکٹر دا باقاعدہ افتتاح کیتا ویسی ، انہاں ایں عزم دا اعادہ کیتے جو سمندر پار پاکستانیاں کیتے ہر قسم دی سوکھ تے سہولتاں پیدا کریسوں۔
