اسلام آباد۔19جنوری (اے پی پی):وزیر خارجہ مخدوم شاہ محمود قریشی آکھیے جو دہلی اچ غیر ذمہ وار حکومت قائم اے، سیاسی مقاصد کیتے کجھ وی کرسڳدی اے ،بین الاقوامی برادری بھارت کوں خطے اچ نقص امن دا ذمہ وار ٹھہراوے ۔افغانستان دے اندر اتے ٻاہر کجھ عناصر ہن جیڑھے جو سپائیلر دا کردار ادا کریندے پئن۔پی ڈی ایم دا بیانیہ، پاکستان دیاں دشمن قوتاں دے بیانیے نال مطابقت رکھدے ۔منگل کوں خطے دی صورت حال تے پی ڈی ایم دے احتجاج دے حوالے نال اہم بیان اچ وزیر خارجہ آکھیے جو پاکستان، بھارت دا اصلی چہرہ مسلسل ݙکھلیندا پئے ۔14 نومبر کوں ڈوزئیر اچ اساں بھارت ولوں دہشتگرداں دی معاونت دے ناقابلِ تردید ثبوت دنیا دے سامݨے رکھیے ۔وزیرخارجہ آکھیے جو بھارت پاکستان کوں عالمی سطح تے بدنام کرݨ کیتے کوڑے پراپیگنڈہ مہم شروع کیتی لیکن ارنب گوسوامی دی “چیٹ “منظر عام آوݨ تے پلوامہ ڈرامہ بے نقاب تھی ڳئے ۔
