اسلام آباد 19 جولائي (اے پي پي) د بهرنيو چارو وزير شاہ محمود قرېشي د وزیراعظم عمران خان د امريكې دورې تفصيلات جاري كولو سره وئيلې دي وزیراعظم به د کمرشل پرواز د لارې واشنګټن ته ځي، عسکري مشران به هم وزیراعظم سره وي٬ ډونلډ ټرمپ به په سپينه ماڼۍ كښې د وزیراعظم عمران خان هركلې كوي٬ د امریکائي اولس مشر وزیراعظم ترمېنځه به د ملاقاتونه دوه غونډې كېږي۔ د جمعې په ورځ واشنګټن كښې ميډيا سره په خبرو كښې ده ووئيل امريكائي اولس مشر دا خواهش لري چې عمران خان د سپينې ماڼۍ دوره وكړي۔ امريكائي اولس مشر ډونلډ ټرمپ به په سپينه ماڼۍ كښې د وزیراعظم عمران خان هركلې كوي۔ امريكائي اولس مشر سره د ملاقاتونو پحقله وفاقي وزير ووئيل وړومبې ملاقات به په اول آفس او دوېم به په كېبنټ روم كښې كېږي۔ شاہ محمود قرېشي ووئيل وزیراعظم سره به د يو اېس پاكستانيز بزنس كونسل د سوداګرو پلاوې هم ملاقات كوي۔ د سركاري مصروفياتو نه پس به وزیراعظم عمران خان کیپټل ون ارینا كښې د پاكستان كميونټۍ او د دې نه پس به بزنس سمټ ته هم وېنا كوي۔ خارجه وزير د پاك امريكې دوه اړخيزه اړيكو پحقله ووئيل د وزیراعظم عمران خان د امريكې دورې سره به دوه اړخيزه اړيكې وده ومومي٬ تېر وخت كښې امريكې سره په اړېكو كښې كمې زياتې رامخئ ته شوې ؤ ۔ ده ووئيل د افغان حالاتو له امله د دواړو هېوادونو ترمېنځه اړيكو كښې عدم اعتماد رامخې ته ٶ خو اوس دواړه ډلې د دوه اړخيزه اړيكو د بهترۍ خواهش لري۔ ده ووئيل په دوه اړخيزه اړيكو كښې ښه والې د امريكې د خارجه وزير مائيك پومپيو د پاكستان دورې په مهال رامخې ته شوې او اوس د امريكې قيادت سره پنځه كاله پس د مشرانو ملاقات كېدونكې دے كوم سره چې به دوه اړخيزه اړيكې وده اومومي
