اسلام آباد – 08 مئي (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته جمهوريت عوام جي ترجمان هوندي آهي، 1977ع کانپوءِ پهريون ڀيرو چونڊيل جمهوري حڪومت 5 سالن دوران ٿيلسيميا، پوليو (صحت)، تعليم ۽ انساني حقن سميت ٻين شعبن جي عوامي خدمت بابت 133 فليگ شپ قانون ٺاهيا آهن. هو پاڪستان نيشنل ڪائونسل آف دي آرٽس (پي اين سي اي) پاڪستان حڪومت جي محفوظ رت جي منتقلي پروگرام ۽ جميلا سلطانه فائونڊيشن جي حصيداري سان ٿيلسيميا جي عالمي ڏينهن جي مناسبت سان منعقد تقريب کي خطاب ڪري رهي هئي.
