اسلام آباد۔17اپریل(اے پی پی) وفاقی حکومت صحت عامہ دیاں سہولتاں دی ودھدی ہوئی طلب نال نبݨݨ کیتے سستی تے قابل رسائی سہولتاں تے توجہ ݙیندے ہوئیں آپݨے شاندار اختراعی اقدامات دے ذریعے ملک اچ خصوصی طبی اتے مشاورتی سہولتاں دی فراہمی دے حوالے نال نمایاں پیش رفت کیتی اے۔وزیراعظم شہباز شریف دی قیادت اچ حکومت دی طرفوں وفاقی دارالحکومت اچ آٹزم سنٹر دا قیام، دماغی صحت دی ہیلپ لائن اتے زندگی بچاوݨ آلے سی پی آر ٹریننگ پروگرام دا آغاز، اتے قیدیاں کوں طبی تعلیم حاصل کرݨ دی اجازت سودھے جیڑھے اقدامات کیتے ڳئن اے اقدامات انہاں دے زیادہ مساوی اتے جدید صحت دی ݙیکھ بھال دے نظام دی تشکیل سودھے وسیع ترعزم دا اظہارہن۔صحت دے شعبے اچ مخیر حضرات دے تعاون دی حوصلہ افزائی کیتے وزیراعظم ہݨے ہی لاہور اچ 600 بستریں تے مشتمل انڈس ہسپتال دا افتتاح کیتے تے مخیر حضرات تے زور ݙتے جو او صحت تے تعلیم دے میدان اچ اڳوں آون تے غریب تے مستحق لوکاں دی تکلیف مکاوݨ کیتے دل کھول تے عطیات ݙیون۔انہاں لاہور اچ چھی منزلہ اتے 350 بستریں تے مشتمل سلیم میموریل ٹرسٹ ہسپتال دا افتتاح وی کتا تے ایں امید دا اظہار کیتے جو اے سہولت عالمی معیار دے علاج دی سہولتاں دے نال بیمار انسانیت دی خدمت کریسی ۔شہباز شریف بطور وزیر اعلیٰ پنجاب اپݨے دور ویلھے صوبے اچ مختلف ہسپتال بݨائے اتے اپ گریڈ کیتے۔ترک حکومت دی طرفوں مظفر گڑھ اچ 250 بستریں تے مشتمل جدید ترین رجب طیب اردوان ہسپتال2010 دے سیلاب دے دوران قائم کیتا ڳیا ہئی ۔ وزیراعظم شہباز شریف ہسپتال دی افتتاحی تقریب توں خطاب کریندے ہوئیں آکھیے وزیراعلیٰ پنجاب ہوندے ہوئیں انہاں 20 ارب روپے جمع کر تے پنجاب انڈومنٹ فنڈ کوں فعال کیتا تے ایں فنڈ توں وݙی تعداد اچ یتیم ٻالاں دی کفالت کیتی جیں کوں بدقسمتی نال پچھلی حکومت بند کر ݙتا۔
.jpg)
.jpg)
