ملتان۔20فروری (اے پی پی):وزیرخارجہ مخدوم شاہ محمود قریشی آکھیے جو اپوزیشن جماعتاں احتساب توں بچݨ کیتے کٹھیاں تھیندیاں پئن، اپوزیشن جماعتاں جتنا مرضی کٹھیاں تھی ونڄن اپوزیشن کوں آپݨے ایجنڈے اچ ناکامی تھیسی ، اقتدارتوں ٻاہر ٻیٹھیاں جماعتاں کوں انتظار کرݨا ہوسی، حکومت آپݨی آئینی مدت پوری کریسی ، اتوار کوں ملتان اچ این اے 156 دیاں مختلف یونین کونسلاں اچ عوامی رابطہ مہم دے سلسلے اچ مختلف استقبالیہ تقریبات ‘ وفد نال ملاقات کریندے ہوئیں انہاں آکھیے جو پی پی ن لیگ ݙوہیں عوام کوں مایوس کیتے ، ݙوہیں جماعتاں چاہندیاں تاں پاکستان دی تقدیر بدل سڳدیاں ہن ۔ ݙوہیں جماعتاں دی قیادت عوام کوں سنہری خواب ݙکھائے ۔ خالی اتے کوڑے نعرے لاتے ، عوام دا کوڑے نعریں توں پیٹ نی بھرسڳیندا ۔ عوام کوں ”مسٹر ٹین پرسنٹ “اتے علاج دے بہانے ٻاہرلے ملک بھڄݨ آلی قیادت قبول کائنی ، عوام ڄاݨ ڳئی اے جو ݙوہیں جماعتاں اقتدار ہووے تاں پاکستان تے اقتداردے بعد ٻاہرلا ملک انہاں دی منزل ہوندی اے ۔ وزیراعظم عمران خان اقتدار اچ وی عوام دے رلے ہن تے اقتدار دے بعد وی عوام دے رلے ہوسن عوام ہݨ انہاں لٹریں دے جھانسے اچ نہ آسی۔
.jpg)
.jpg)
