لاہور۔4فروری (اے پی پی):وزیر ریلویز محمد اعظم خان سواتی دی صدارت اچ جمعے کوں ریلوے ہیڈ کوارٹرز لاہور اچ اعلی سطح دا اجلاس منعقد تھیا جیں اچ سیکریٹری وچیئرمین ریلویز حبیب الرحمن گیلانی، چیف ایگزیکٹیو آفیسر ریلویز نثار احمد میمن سودھے ٻئے سینئر افسران شرکت کیتی۔اجلاس اچ ذیلی ادارہ پراکس دی کارکردگی اتے مستقبل دے منصوبیں تے بریفنگ ݙتی ڳئی ۔اجلاس کوں ٹریک تے غیر ضروری رکاوٹاں مکاوݨ ، ریل سیفٹی، واپڈا دے ذریعے بجلی دے میٹراں دی تنصیب، ریلوے سگنلنگ سسٹم متعلق امور بارے ݙسایا ڳئے ۔ایں موقع تے وزیر ریلویز اعظم خان سواتی ایگزیکٹو ڈائریکٹر پراکس کوں ہدایت کیتی جو او آزادانہ طور تے کم کرن تے میرٹ کوں یقینی بݨایا ونڄے ۔انہاں آکھیے جو پاکستان ریلوے دے ریونیو کوں ودھاوݨ کیتے ہر ممکن اقدامات کیتے ونڄن۔ اعظم سواتی مزید آکھیے جو محکمے اچ بہتری گھن آوݨ کتیے جے اوپن مارکیٹ توں پروفیشنلز دی لوڑھ ہووے تاں ایندا وختی بندوبست کیتا ونڄے ۔او ریلوے دی کارکردگی اچ واضح تبدیلی ݙیکھݨ چاہندن ۔
.jpg)
.jpg)
