اسلام آباد۔10دسمبر(اے پی پی)صدر مملکت ڈاکٹر عارف علوی پنشن شفاف طریقے نال ݙیوݨ کیتے پنشنرز دی بائیو میٹرک تصدیق دے نظام دا افتتاح کیتے جیندے نال ہر مہینے 14 لکھ پنشنرز کوں 60 ارب روپے پنشن شفافیت نال ونݙی ویسی۔ ایں سانڳے تقریب اے جی پی آر اچ تھئی۔ صدر آکھیا جو نویں نظام نال پنشنرز دی ذاتی تصدیق چنڳی تھیسی اتے جعلی سنڄاݨ روکݨ اچ وی مدد ملسی، نظام نال شفاف ڈیٹا بیس رکھݨ اتے گھوسٹ پنشنرز مکاوݨ اچ ہتھ ونݙیسی۔ انہاں تجویز ݙتی جو بائیومیٹرک کیتے فنگر پرنٹس نال تصدیق نہ تھیوݨ دی صورت اچ متبادل دے طور تے اکھیں اتے چہرے دی سنڄام دا نظام وی متعارف کرایا ونڄے۔
