اسلام آباد 19مارچ (اے پي پي)خارجه وزير شاه محمود قرېشي وئېلي دي هند كه د كشمير مسئلې حل له په خپل سوچ نظرثاني وكړي او د هغې لپاره ښه چاپيرچل راپېدا كړي نو پاكستان به هم د خپلو خبرو څخه په شا نه شي٬د منطقې صورتحال په اړه د جمعې په ورځ په خپل بيان كښې خارجه وزير ووئيل هند د اګست په 5مه نېټه كال 2019 په مقبوضه جمو او كشمير كښې داسې يو اړخيز ګامونه پورته كړي كوم چې ټولو كشميريانو مسترد كړي۔وزيراعظم عمران خان د خپل منصب سنبهالولو سره هند له بلنه وركړې چې كه هند د امن پلو يو ګام راواخلي نو مونږ به دوه واخلو٬خو افسوس چې د هند سركار د دې سوچ مرستياله نه ؤ ۔شاه محمود قرېشي ووئيل د هند دغه رويه د جمود سبب ګرځېدلې۔د پاكستان او هند ترمينځه د جمود فضاﺀ ختمولو ذمه وار هم هند دے۔خارجه وزير ووئيل كه چرې هند په خپل سوچ نظرثاني وكړي او ښه ماحول راپيدا كولو لپاره چمتو شي چې پكښې د كشمير مسئلې پشمول د نورو مسائلو پرامن حل لپاره خبرې كېدې شي نو پاكستان به هم د مذاكرات څخه په شا نه شي۔شاه محمود قرېشي ووئيل د دواړو هېوادونو د ډي جي اېم اوز روابط نه پس د سيز فائر لوظ نامې بحالي يو مثبت پېشرفت دے
