شینزن۔5 جون(اے پی پی) وزیراعظم شهباز شریف وئيلي دي پاكستان په ماحولياتي چېلنجونو قابو موندلو او استحكام لپاره د نړيوالو هلو ځلو د مرستې عزم لري٬ په ځنګلونو اور لګېدلو ٬ سېلاب او په تندۍ سره د وېلې كېدونكو ګليشيئرز پشمول پاكستان د موسمياتي بدلون منفي اغېز سره مخ دے۔ ده د دې خيالاتو څرګندونه د شورؤ په ورځ د ماحوليات نړيوالې ورځ په موقع خپل پېغام كښې وكړه۔ وزیراعظم ووئيل پاكستانے اولس او حكومت د نړۍ تحفظ له د موسمياتي بدلون ، د حیاتیاتی تنوع زيان او د آلودګۍ په څير ستونزو باندې قابو موندلو له نړيوالې ادارې سره شرېكه ذمه واري تسليموي٬ موسمیاتی بدلون كومه پوله نه لري ٬ په ځنګلونو د اور لګېدو ٬ سېلاب او په تندۍ سره د وېلې كېدونكو ګليشيئرز په شمول پاكستان د موسمياتي بدلون منفي اغېز سره مخ دے۔ ده ووئيل د روان كال په مهال د ماحوليات نړيوالې ورځې سرخط “د زمكې بحالي ٬ د صحرا خپرېدو او اوچ كالۍ مخنيوے” دے او دا ورځ مونږ ته هغه ستر چېلنج رايادوي كوم څخه چې په اربونو هېكټر زمكه او د نړۍ نزدې نيمه آبادي ځپلې كيږي٬ د دې د لاسه د نړۍ د جي ډي بي نيمه برخه خطر سره مخ ده۔ وزيراعظم ووئيل پاكستان په ماحولياتي چېلنجونو قابو موندلو او استحكام لپاره د نړيوالو هڅو مرستې له عزم لري۔ ده ووئيل د ګرین پاکستان پروګرام، لیونګ انډس انیشی ایټو او نېشنل اېډاپټېشن پلان په څير اقدامات د ځنګلونو ختمولو او د حياتياتي تنوع زيان په مسئلو قابو موندلو او د ماحولياتي نظام بحالۍ له زمونږ عزم په ډاګه كوي۔ ده ووئيل د کوپ۔27 په مهال د پاكستان د موسمياتي سفارتكارۍ ھڅې په خاص توګه د زيان او ډېمېج فنډ جوړونه په لويه كچه تسليم كړے شوې او نړيوالو پوهانو دا مثبت ګرځولې۔ ده ووئيل د هېواد دننه پاکستان د جی آئی زیډ ، پاتھ ویز 2050 پلېټ فارم ، یو این ډی پی او نړيوال بانك په مرسته تلپاتې او د اوږدې مودې کم کاربن پرمختيائي پاليسي جوړولو له فعاله ګامونه پورته كوي٬ دې سره سره د شجركارۍ په پياوړې پروګرامونو عمل درآمد كولې شي۔ ريچارج پاكستان ٬ جي اېل او اېف او د اېس اېل اېم پی په څير اقدامات د كركيلې تلپاتې تګلارو ته وده وركولو او د زمكې خوئيدو مخنيوي په اړه د پاكستان عزم په ډاګه كوي۔ وزیراعظم ووئيل د ماحوليات نړيوالې ورځ په موقع مونږ له به د خپلې زمكې بحالۍ ٬ اوچ كالۍ څخه د رامخې ته شوي صورتحال مخنيوي له د نړيوال تحريك برخه جوړېدل وي او ټولو له به د غوره سباؤن باوري كولو له خپل كردار ترسره كول وي
