اسلام آباد 05 جنوري (اے پي پي) د صحت نګران وفاقي وزير ډاکټر نديم جان وئيلي دي پاکستان په تاريخ كښې په وړومبني ځل په لسمه او يوولسمه جنورۍ ګلوبل هېلته سكيورټي سمټ راجوړوي ۔ ٬ دا به د پبلك هېلتھ په اړه كښې ګېم چېنجر ثابت شي٬ په هېواد كښې د كرونا وائرس د نوي قسم كوم كېس نه دې رامخې ته شوے۔ د جمعې په ورځ سېنېټ كښې د پوښتنو دمې په مهال سينيټرز مشتاق احمد، بهره مند تنګي، فوزيه ارشد، روبينه خالد، محسن عزيز او د نورو د پوښتنو په ځواب ده ووئيل ميډيكل يو ډېره مهمه څانګه ده مونږ د دې په تل پاتې بنيادونو حل غواړو٬ د داروګانو په هېواد كښې دومره كمے نشته څومره چې ښودلے كېږي ٬ ده ووئېل ځېنې داروګان چې نشته د ھغې كمے لرې كولو لپاره بشپړه هڅې كوٶ، ډبليو اېچ او او يونيسيف حكومت ته نېغ په نېغه مالي مرسته نه وركوي ٬ مونږ هغوي ته ډيمانډ وركوٶ او د دغې نه وروستو ھغوي طبي آلات او نور سامان خپله اخلي۔ ده ووئيل په وړومبي ځل په ډرېپ كښې لائسنسګ او د رجسټرېشن عمل آن لائن كړے شوے۔ ده ووئيل دا خبره سمه نه ده چې په هېواد كښې د انسولين كمے دے ٬ په دې لړ كښې د پبلك سروس مېسجز د لارې اولس خبرولے شي۔
