اسلام آباد 14 ستمبر (اے پي پي) د خارجه دفتر وياندې ممتاز زهره بلوچ وئيلي دي چې لنډمهاله خارجه وزير جليل عباس جېلاني دا مهال د كامن وېلته يوتھ منسټرز لسمې غونډې لپاره په لندن كښې دې۔ د زيارت په ورځ د پرېس بريفنګ په مهال دې ووئيل پاکستان د درې لسيزو نه پس د کامن وېلتھ يوتھ منسټرز فورم صدارت كوي چې پكښې دولت مشتركه د 56 هېوادونو وزيرانو او استازي ګډون كوي۔ دې ووئيل د غونډې تھيم “امنګ هائر، ډيليورنګ مور فار دي کامن ويلتھ” دے۔ وياندې ووئيل د دولت مشتركه په غونډه كښې ځوانانو لپاره مشغوليت، تعليم، روزګار او د ماحول د لارې بهترين طريقې او په پاليسو كښې په همكارۍ د خيالاتو څرګندونه شوې٬ خارجه وزير د پرائم منسټر يوتھ پروګرام د لارې د ځوانانو په پرمختګ كښې د پاكستان لخوا پورته كړې شوې اقدامات وړاندې كړل، كوم چې پسمانده ځوانانو پشمول انجونه٬ اقليتونه او خاص كسان اختيار مند جوړولو ته ترجيح وركوي۔ وياندې ووئيل خارجه وزير د ځوانانو تربيې او د استعداد كار اضافې لپاره د پاکستان پروګرامونو او د هائي ټېك صنعتونو٬ انفارميشن اينډ کميونيکيشن ټيکنالوجي او په ماحولياتي تحفظ كښې د دوي په زيات شوي شموليت هم رڼا واچوله۔
