اسلام آباد 05 ستمبر (اے پي پي) لنډمهاله داخله وزير سرفراز احمد بګټي په هېواد كښې امن او امان د حكومت وړومبۍ ترجيح ګرځولو سره وئيلي دي چې د يو تن يا ډلې لخوا تشدد پسندانه هلې ځلې به هېڅ كله زغملې نه شي ، پاکستان كښې په غېر قانوني توګه د مېشته غېر ملكي وګړو خپلو هېوادونو ته ستنېدو لپاره دې بشپړه لائحه مرتب كړې شي۔ د دې خيالاتو څرګندونه ده د نهې په ورځ د وزيراعظم لخوا د ټاكلې شوې هدفونو د جاج غونډې مشرۍ په مهال وكړه۔ په غونډه كښې د نشه اي توكو مخنيوي ډويژن سېكتر منير اعظم ، خاص داخله سېكتر نديم محبوب او د اے اېن اېف ډي جي مېجر جنرال محمد انيق الرحمن ملك ګډون وكړې د دې نه علاوه د اېف آئي اے ډي جي محسن حسن بټ ، د نيکټا نيشنل کوآرډينيټر طاهر رائے او نورو لوړ پورو هم غونډه كښې ګډون وكړو۔ داخله وزير په هېواد كښې امن او امان د حكومت وړومبۍ ترجيح ګرځولو سره ووئيل چې د يو تن يا ډلې لخوا تشدد پسندانه هلې ځلې به هېڅ كله زغملې نه شي۔ پاکستان كښې په غېر قانوني توګه د مېشته غېر ملكي وګړو خپلو هېوادونو ته ستنېدو لپاره دې بشپړه لائحه مرتب كړې شي٬ د پاك۔ايران په پوله درې نور بارډر كراسنګ بېرته كولو لپاره دې اېكشن پلان زر تر زره بشپړ كړې شي۔ ده ووئيل د پوليس او امنيتي ادارو كاركردګي ښه كولو لپاره د دوي د كار د دائرې واضح تعين ډېر ضروري دې، د سول آرمډ فورسز بهترۍ لپاره به جديد تربيه او وسائل وركوٶ۔ ده ووئيل د غېر ملكيانو امنيت ټېنګول دې باوري كړې شي۔ ده په بېلا بېلو منصوبو د كار كوٶنكو غېر ملكياتو امنيت لپاره ضابطه اخلاق ته حتمي شكل وركولو سره د عملدرامد باوري كولو امر وكړو۔ ده ووئيل كاروباريانو او سرمايه كارۍ لپاره د ويزې خواست كوٶنكو ته دې هر ډول ممكنه سهولت وركړے شي۔ د داخله وزير په امر په نېشنل ايکشن پلان عملدرآمد لپاره راتلونكې اوونۍ كښې غونډه راوبللے شوه۔
